.jpg)
بوگون «شنبه» نمایندهلر کینگشینینگ عمومی ییغینیده نمایندهلردن بیرقطاری، سیلاولر ایرکین کمیسیونینینگ ایشلریدن تنقید قیلیب و مذکور کمیسیون مسؤوللری تیرگاو قیلینیشینی سورهگنلر.
نمایندهلر کینگشی اعضالرینینگ ایتیشیچه، 28- و 29- میزان ده یولگه قوییلگن سیلاوده هر بیر بولیمده سیلاولر ایرکین کمیسیونینینگ ایشلریده کمچیلیکلر کورینردی و کمیسیون سیلاونی یخشی بیر شکلده مدیریت قیله آلمهگن.
اولرگه کوره، تعیین ایتیلگن زمانده آواز بیریش مرکزلردن کوپینچهسی فعال بولمهگنی، بایومتریک اسکونهسی یخشی ایش بیرمهگنی و آواز بیریش مرکزلرده آواز بیرووچیلردن بیرقطارینینگ رویخطی یوقلیگی باعث، یشاوچیلردن کوپینچهسی آواز بیریشدن محروم قالگن.
نمایندهلر کینگشینینگ اعضاسی چمنشاه اعتمادی جمهور رئیسدن سیلاو کمیشنرلرینی باش قارهلاوچیلیککه تانیشتیریشینی سورهیدی.
نمایندهلر کینگشی اعضالریدن باشقه بیری کرامالدین رضازاده نینگ ایتیشیچه، ملت مینگلرچه خطرنی قبول قیلیب آواز بیرگنلر و بو موضوع گه قرهگنده سیلاو مهندسلیک بولمهسی لازم.
.jpg)
اولرنینگ ایتیشیچه، آواز بیریش جریانی گه دخالت قیلیب و یشاوچیلرنینگ آرهسیده خواطر ایجاد قیلگن کیشیلر تیرگاوگه آلینیشی کیرهک و شونینگدیک، سیلاو شکایتلری، شکایتلرنی تینگلش کمیسیونی تامانیدن جدی شکلده تیکشیریلیشی لازم.
نمایندهلر کینگشی باشلیغی عبدالرؤوف ابراهیمینینگ ایتیشیچه، سیلاو کونلریده یشاوچیلر کینگ شکلده اشتراک قیلگن، بیراق سیلاولر ایرکین کمیسیونینینگ ایشی تخنیکی و ایشلاوچیلرینینگ ظرفیتی نقطهی نظریدن جوده هم ضعیت ایدی.
شونینگدیک، بوندن آلدین سیلاودن نظارت قیلووچی ادارهلر، یشاوچیلر و حکومت رسمیلریدن بیرقطاری، سیلاولر ایرکین کمیسیونینینگ مدیریتیدن تنقید قیلگن ایدیلر.
