حزب اسلامی نینگ ییتکچسی گبلدین حکمتیار 20 ییلدن کیین کابل کیلدی. او، بیرینچی نطق سوزیده قوراللی طالبلرنی ایناغه خطاب قیلدی. شونینگدیک او اوز نطق سوزیده پارلمانی تیزیمنی مملکت منفعتیگه ایمس دیدی. حکمتیار بو قبیل حکومت هیچ بیر مملکتگه ایجابی نتیجه بیرمهگن دیگن.
طالبلرنی حزب اسلامیگه قوشیلیشنی تکلیف ایتگن حکمتیار « کیلینگ سیزلرنینگ برچه ایستکلرینگیزنی مدافعه» قیلهمن دیگن.
اونینگ پایخت کابلگه کیلیشی جمهور رییسلیک سراییده مخصوص ییغین اوتکزیش بیلن کوتیب آلیندی.
حزب اسلامی نینگ رهبری گلبدین حکمتیار حکومتگه قوشیلیشیدن بیرینچی نیت مملکت ده امنیتنی تامین قیلیش بولگنلیگی بارهسیده تاکید قیلگن. ملی بیرلیک حکومتینی بیر واقعیت دییه قبول قیلگن حکمتیار تیزیم قولهتیش طرفداری ایمس لیگ لیگینی بیلدیرگن.
حزب اسلامی نینگ رهبری افغانستان اسلامی قانونینی ایکینچی مادهسی اوچون تن آلگن، اساسی قانون توغریسیده بعضی بیر فکرلری یوق ایمسلیگینی هم تیلگه آلگن.
قوراللی طالبلرنی ایناغه دییه خطاب قیلگن حکمتیار اوشبو حرکتنی تینچلیک لاحیه سیگه قوشیلیشینی سورهگن. او، ایران و پاکستاندن افغانستان اوستیدن قول کوتاریشلرینی طلب قیلگن.
شونینگدیک ییغینده سوزلهگن افغانستان جمهور رییسی محمداشرف غنی حکمتیارنینگ کابل کیلگن لیگینی خوش قرشیلهدی.
جمهور رییس غنی حکومت بیلن اسلامی حزب اورتهسیده قول قوییلگن شرطنامه نینگ مادهلری بوتونلهی شکلده عملی بولیشی بارهسیده اورغولهگن.
ییغینده اشتراک قیلگن سابق جمهور رییس کرزی، سابق کابینه اعضاسی و جهاد قوماندانلری حزب اسلامی رهبرینی تینچلیک مذاکرهسیگه قوشیلگنلیگینی خوش قرشیلهگنلر.
گلبدین حکمتیار اقتدارگه ایریشیش اوچون کابلده 40 ییل قورال اسلحه کوتاریب اوروش قیلدی. سونگی 15 ییل ایچیده ایسه مملکتگه ییرلشگن خلق ارا حربی قوشینلر چیقاریلیشی و اسلامی قدریتلرگه ماس حکومت وجودگه کیلیشی اوچون اوروش قیلدی. او، بو قبیل بوتون ایستکلریدن قول کوتاریب تینچلیک لایحهسیگه قوشیلدی.
