بوگون بروکسلده ناتو مدافعه وزیرلری ییغینیدن آلدین یولگه قوییلگن خبری بیر ییغینده ناتو باش کاتبی ینس استولتنبرگنینگ ایتیشیچه، اوشبو تشکیلات افغانستان گه باشقه 3 مینگ مربی یوبارهدی.
اونینگ کوپهیتیریشیچه، ایرته (پنجشنبه) یولگه قوییلهدیگن ییغینده ناتوگه اعضا مملکتلرنینگ مدافعه وزیرلری و کیسکین حمایهوی مأموریت همکارلری بیلن افغانستان توغریسیده بحث قیلینیشی ممکن. ناتو تشکیلاتینینگ بیرلشیک و همکارلری، افغانستان دولتیدن حمایت قیلیش اوچون مالی و حربی یاردملرینی کوپهیتیرماقده.
شونینگدیک، ایرته (پنجشنبه) یولگه قوییلهدیگن ییغینده، میلادی 2020- ییلدن سونگ، افغانستان امنیتی کوچلریگه بیریلهدیگن یاردملر دوامی و سوزی توغریسیده بحث قیلینهدی.
ناتو باش کاتبینینگ ایتیشیچه، افغانستان امنیتی کوچلری وظیفهلرینی باتورلیک و فنی شکلده عمل گه آشیرهدی و بو موضوع سیاسی کیلیشووگه زمینه یرهتهدی.
اونینگ کوپهیتیریشیچه، افغانستان حکومتی ناتو تشکیلاتینینگ حمایتی و سوزی بیلن جمهور رئیس غنینینگ تینچلیک تکلیفینی عمل گه آشیریشی لازم؛ ادارهلرده اصلاحات کیریتیب، فسادگه قرشی کورهشیب و انسان حقلری وضعیتینی یخشی قیلیشی کیرهک.
جناب استولتنبرگ نینگ ایشانچی گه کوره، افغانستان حکومتینینگ تینچلیک تکلیفی طالبلر تامانیدن رد قیلینگن صورتده، بو تشکیلات افغانستان حکومتی و امنیتی کوچلریدن کوپراق حمایت قیلهدی و طالبلرگه اوروش ییچیم یول بولمهگنینی بیلدیرهدی و افغانستان قیینچیلیگی یالغیز سیاسی جریانلر و سوزلشوولر بیلن حل بولهدی.
ایتیلیشیچه، شمالی آتلانتیک بیرلشیک تشکیلاتی (ناتو) نینگ سابق قراری اساسیده، مذکور تشکیلاتنینگ مأموریتی 2020- ییل اداغیگچه یکونلنهدی.
ناتو تشکیلاتی گه اعضا مملکتلرنینگ مدافعه وزیرلری و اوشبو تشکیلات بیرلشیگی بولگن باشقه 10 مملکت، افغانستان مدافعه وزیری طارق شاه بهرامینینگ حضوریده، افغانستاننینگ جاری وضعیتینی تیکشیریشی توغریسیده قرار قیلینگن.
