بوگون «جمعه، 25- اسد» آمریکا جمهور رئیسی دونالد ترامپ، افغانستان و طالبان بیلن بولگن تینچلیک برنامهسی تیکشیریلیشی خصوصیده، آمریکا خوفسیزلیک ییریک رسمیلری بیلن اوچرهشیب و صحبت قیلیشی ممکن.
سی ان ان تلویزیون ترماغی تامانیدن ترقهتیلگن گزارشده یازیلیشیچه، بو اوچرهشوو آمریکانینگ تشقی ایشلر وزیری مایک پمپئو، ملی خوفسیزلیک مصلحتچیسی جان بولتون، مدافعه وزیری مارک اسپر و حربی قوشمه تشکیلاتی نینگ باشلیغی جنرال جوزف دنفورد بیلن اوتکزیلهدی.
سی ان ان گزارشی اساسیده، بو اوچرهشووده آمریکالیک بلندمرتبهلی رسمیلر افغانستان تینچلیک لایحهسی بوییچه آمریکا تشقی ایشلر وزیرلیگی نی خاص نمایندهسی زلمی خلیلزاد، آیلرچه اوستیگه ایشلهگن افغانستان تینچلیک موضوعی توغریسیده بحث قیلینهدی.
سی ان ان ترماغی گه صحبت بیرگن منبع نینگ ایتیشیچه، آمریکا تینچیلیک لایحهسی اساسیده، آمریکا حربی کوچلریدن کته قسمی افغانستاندن چیقاریلهدی و بو کوچلرنینگ رقمی 14 مینگ دن 8 یا-ده 9 مینگ گه ییتیشی ممکن.
سی ان ان تلویزیونی منبع دن نقل قیلیب ایتیشیچه، تینچلیک کیلیشوونامهسی جاری میلادی آی نینگ 19 و اسد آیی نینگ 28 ده آمریکا و طالبان آرهسیده قول قوییلیشی خصوصیده قرار قیلینگن.
آمریکا و طالبان نمایندهلری آرهسیده افغانستان تینچلیک سوزلشوولری، اوتگن ییل میزان آیی دن قطرده باشلندی و اوتگن هفته اوشبو سوزلشوولرنی 8- دوری دوحه ده یکونلندی.
