افغانستان جمهور رئیسی محمداشرف غنی، ینگی بیر فرمان صادر قیلیب تینچلیک عالی کینگشی دبیرخانهسینی باشلیغی محمدعمر داوودزینینگ تینچلیک مصلحتی قورولتایینی یولگه قویهدیگن کمیسیونینینگ باشلیغی صفتیده تعیین قیلیب و بو توغریده بوتون دولتی ادارهلرنینگ همکارلیگی و اویغونلیگی بیلن ایش گه کیریشی خصوصیده بویروغ بیرگن.
اوشبو فرمان اساسیده، کمیسیون تینچلیک مصلحتی قورولتایی نینگ کیلهجک قویاش 1398- ییل، 9- ثور ده یولگه قویهدی.
جمهور رئیس نینگ فرمانی ده کیلیشیچه، «اهالی نینگ مصلحتلری ایشیتیلیشی، اولرگه حرمت قایل بولیشی، تأثیرچن شکلده فایدهلنیشی و اهالی نمایندهلرینینگ فکرلری تحلیل قیلینیشی، بوتون جمعیت نظرگه آلینیشی، ییچیم یول ایزلهنیشی و مذاکرهلر جریانی چقانلنیشی اوچون تینچلیک مصلحتی قورولتایی یولگه قوییلهدی.»
صادر ایتیلگن فرمانده ایتیلیشیچه، تینچلیک مصلحتی قورولتایی بویوک و ملی فرصت بولیشی ممکن و بو قورولتای آرقهلی مملکت بویلب اهالی نمایندهلری ایرکین و صمیمی فضاده طالبان گروهی ارا بولهدیگن تینچلیک سوزلشوولری توغریسیده قیلینهدیگن سوراقلرنی تعریف قیلیب و تینچلیککه قندهی بیر شکلده قول تاپیش توغریسیده بحث قیلینهدی.
اوشبو فرمانده کیلیشیچه، افغانستان حکومتینینگ رهبرلیگی تینچلیک رویخطی و سوزلشوونی اهالی نمایندهلرینینگ حضوریده تیارلب و تکمیل قیلگن و بوتون دولتی و ملی قیناق و امکانیتلردن فایدهلنیب بو لایحهنی عمل گه آشیریش خصوصیده سعی و حرکت قیلهدی.
تینچلیک مصلحتی قورولتایی جاری ییل حوت آیینینگ 26 سیدن 29 گچه یولگه قوییلیب و اونده مملکت بویلب کمیده ایکی مینگ کیشی اشتراک قیلیشی خصوصیده قرار قیلینگن ایدی؛ بیراق تعیین ایتیلگن زمان آرتده قالدیریلدی و سببی هم بوتون اهالی شامل بولیشی دییلگن.
شو توغریده…
تینچلیک مصلحتی قورولتای نینگ یولگه قویهدیگن کمیسیون اعضالری حکومتی دیر
