نمایندهلر کینگشینینگ اداری هیأت سیلاویده مالیه وزیری، ملی خوفسیزلیک ریاستی عمومی باشلیغی و تینچلیک عالی کینگشینینگ دبیرخانه باشلیغی ارهلشگنلر.
بوگون نمایندهلر کینگشینینگ عمومی ییغینیده نمایندهلر کینگشی اعضاسی نعیم لالی حمیدزینینگ ایتیشیچه، نمایندهلر کینگشینینگ اداری هیأت سیلاویده اکلیل حکیمی، معصوم استانکزی و اکرم اخپلواک، ایستهگن کیشیلری تنلهنیشی توغریسیده سعی و حرکت قیلگنلر.
نمایندهلر کینگشینینگ اوشبو اعضاسی، مملکتده خوفسیزلیک وضعیتی یمانلیگیدن خواطر بیلدیریب و امنیتی رسمیلردن دسیسه قوریش اورنیده اصلی وظیفهلریگه دقت قیلیشلرینی سورهدی.
نمایندهلر کینگشینینگ باشقه بیر اعضاسی عارف رحمانینینگ ایتیشیچه، مملکتده طالبلر، داعش و حقانی ترماغی اتفاقسیزلیک ایجاد قیلیش اوچون مدرسهلر، مسجدلر و بیلیم یورتلرنی هدف قرار بیرهدیلر، بیراق امنیتی مسؤوللر، اصلی وظیفهلریگه دقت قیلیش اورنیده «سیاسی ایشلرگه ارهلشیب، اتفاقسیزلیک و دسیسه قوریشگه قول اورهدیلر.
عارف رحمانینینگ بیاناتلریدن مقصد حکومت و بلخ ولایتیدن چیکلنتیریلگن حاکم و اسلامی جمعیت حزبینینگ اجراییه باشلیغی عطامحمد نور آرهسیده اوتکزیلگن سوزلشوولر هیأتی دیر و بو هیأت گه ملی خوفسیزلیک عمومی باشلیغی معصوم استانکزی شامل ایدی.
عین حالده، نعیم لالی حمیدزینینگ بیاناتلری توغریسیده اکرم اخپلواک جواب بیریشدن وازکیچگن و بو ادعالر توغریسیده اکلیل حکیمی و معصوم استانکزینینگ فکرلرینی اورگهنیش خصوصیده بولگن سعی و حرکتلر نتیجهسیز قالدی.
اوتگن هفته نمایندهلر کینگشی کوپینچه جنجللر و نیچه سیلاودن سونگ، اداری هیأت تشکیلاتینی توگتدی. نمایندهلر کینگشینینگ 16- دور اداری هیأت سیلاویده، بیرینچی اورین باسرلیک پستی اوچون همایون همایون و نذیر احمدزی کاندید قیلگن ایدیلر و نتیجهده، جناب همایون غلبه قازاندی و شونینگدیک، ایکینچی اورین باسرلیک پستی اوچون امیرخان یار و شیخ نعمتالله غفاری کاندید بولگنلر و آواز بیریش نتیجهسیده، جناب یاری یوتوققه ایریشگن.
نمایندهلر کینگشینینگ اداری هیأت سیلاوینی سونگی کونیده، کاتبلیک پستی اوچون میردادخان نجرابی و عبدالقادر زازی وطندوست کاندید قیلگن ایدیلر و نتیجهده جناب نجرابی 110 ایجابی آواز قولگه کیریتیب نمایندهلر کینگشینینگ کاتبی صفتیده تنلندی.
