عالی تینچلیک کینگشینینگ مسووللری، طالبان گروهینینگ 8 بولیمی بیلن حاضر مذاکره بارلیگینی ایتگنلر. عالی تینچلیک کینگشینینگ اورین باسری بوگون (دوشنبه) نمایندهلر مجلسینینگ جوابگرلیککه تارتیش ییغینیده قیلگن نطق سوزیده حاضر طالبلر 8 گروه گه بولینگنلر دیگن.
نمایندهلر مجلسی بوگون عالی تینچلیک کینگشی باشلیغی، ملی امنیت مصلحتچیسی، تشقی ایشلر وزیری و ایچکی ایشلر وزیرلرینی تینچلیک مذاکرهسی قنچهلیک آلغه آلیب باریلگنلیگی توغریسیده ایضاح بیریش اوچون چقیرگن ایدی.
عالی تینچلیک کینگشینینگ اورین باسری ملا رسول، قاری بریال، پشاور و طالباننینگ باشقه گروهلرینی تیلگه آلیب، لیکن بو توغریده تفصیلات بیرمهگن. جناب سلیم، ملا رسول رهبرلیگیدهگی طالبلر بیلن مذاکره قیلیش دستلبکی باسقیچده دیب، بو حقیده تفصیلات بیریش هلی ایرته دیگن.
شونینگدیک جناب سلیم، گلبدین حکمتیار رهبرلیگیدهگی حزب اسلامی بیلن بولگن تینچلیک مذاکرهسی حقیده 20 کوندن بیری مذکور حزب جوابی کوته دیلهدی؛ لیکن، او تامان هنوزگچه جواب بیرمهگن دیدی.
عالی تینچلیک کینگشی اورین باسرینینگ سوزلریگه شبهه بیلدیرگن سیاسی تحلیلچی وحید مژده، اوشبو شورا بیلن هیچ بیر گروه مذاکره قیلمس لیگی باشده معلوم ایدی دیگن.
جناب مژدهگه کوره، عالی تینچلیک کینگشی فقط کومک بیریله دیگن مبلغلرنی چونتککه اوروش اوچون سعی وحرکت قیله دیلر.
ایتیش کیرهک، عالی تینچلیک کینگشی تاسیس ایتیلگندن بیری، برقرارلیکنی اورنهتیش اوچون مذاکره قیلیشده هنوزگچه میلیونلب دالر خرج قیلگنلر؛ اما، هنوزگچه دییرلی نتیجه بیرمهگن.
