.jpg)
جمهور رییس غنی محلی خبرچیلر نمایندهلری بیلن اوتکزگن اوچرهشووده، خبرچیلر امنیتی اوچون جدی دقت قیلینیشی بارهسیده سوز بیرگن. او، خبرچیلر قضیهسینی اوزی تیکشیریشیگه سوز بیردی و اولرگه قرشی بولهدیگن خشونتلر قبول قیلگیدیک ایمس دیگن.
اونینگ معلوم قیلیشیچه، خبرچیلر امنیتی تأمین ایتیلیشی اوچون ملی امنیت کینگشی بیلن نتیجه گه ایتیشگن و تیزلیکده بولرگه قرشی بولهدیگن خشونتلر آلدی آلینیشی اوچون ایش باشلنهدی.
جمهور رییس نینگ کوپهیتیریشیچه، سانسور دورهسی بوندن 80 ییل آلدین ایکن و کوپلب خبرچیلر سورگونده حیات کیچیرهر ایکن، اما حاضر مذکور فرهنگ یوقاتیش پیتی ییتیب کیلگن.
جناب غنینینگ معلوم قیلیشیچه، برقرارلیک تأمینلش؛ اونینگ شخصی ایشی بولمهگن و بو توغریده خبرچیلرنی هم حصه آلیشلری لازم. او فسادگه قرشی کورهشیش بارهسیده خبرچیلر نقشی اهمیتلیک ایکنلیگیگه اشاره قیلهدی و کیلگوسی هفتهدن باشلب فسادگه قرشی کورهشیش ینگی فصل باشلهنیشینی اورغولیدی.
شونینگدیک مذکور اولتیریشده جمهور رییس غنی اطلاعاتگه قول تاپیش نهادی ایجاد ایتیلیشینی ایستیدی و اونگه کوره، اوشبو نهاد دولت ادارهلری و خبرچیلر اورتهسیدهگی موجود یاردم سیزلیکلرنی یوق ایتیلیشیگه ایشنی باشلهسین دیگن.
.jpg)
اونینگ خبرچیلرگه ییر توزیع بولیش بارهسیده ایتیشیچه، دستلب امنیتی کوچلر و شهیدلر عایلهسیگه ییر توزیع قیلیش ریجهسینی نظرده توتگن و اوندن کیین خبرچیلر اوچون ییر توزیع قیلیش بارهسیده بحث قیلیشی ممکن.
اولتیریشده غنی، مدنیت و بیلدیریش وزیرلیگیدن خاص نثر، نظم و خبرچیلیک بولیمیده فعالیت قیلهدیگن شخصلر اوچون جایزه نظرده توتیش حکمینی بیردی.
مذکور اولتیریشده جمهور رییس، مملکت اقتصادی یوتوقلریدن تاپی، کاسا بیرمینگ و چابهار بندرینی اوچ ییریک اقتصادی لایحه شرطنامهسی گه قرهتیب، مذکور لایحهلر عملده باشلهنیشی بیلن افغانستان درماندهلیک حالتیدن منطقه بویلب تجارت مرکزیگه اوزگرهدی دیدی.
غنی نینگ ایتیشیچه، افغانستان طبیعی منبعلریگه قرهگنده، بدولت مملکتلردن بیری سنلهدی و مذکور منبعلردن ایش آلگن صورتده، قشاقلیک ایلدیزدن یوق ایتیلهدی.
اوشبو اولتیریشده اجراییه باشلیغی، جمهور رییس نینگ ایکینچی اورین باسری سرور دانش، اجرایی ریاست ایکینچی اورین باسری محمد محقق، ملی کینگش نمایندهلری، ولایتلردن محلی خبرچیلر نمایندهلری و دولتی نهادلر سوزلاوچیلری اشتراک ایتگن ایدیلر.
