افغانستان بوییچه آمریکانینگ سابق نمایندهلری و ایلچیلری نینگ آگاهلنتیریشیچه، افغانستان حکومتی بیلن طالبان گروهی حقیقی تینچلیک کیلیشووی گه قول تاپمسدن آلدین، افغانستاندن آمریکا کوچلرینی تیزلیککه چیقاریش مذکور مملکت نی «هر تامانلمه ایچکی اوروش» گه تارتیشی ممکن.
افغانستان بوییچه آمریکانینگ بیش سابق ایلچیسی شامل 9 آمریکاییلیک بلندمرتبهلی دیپلمات، قوشمه بیر اعلامیهده افغانستاندن چیتایللیک کوچلر چیقیشی خصوصیده آگاهلنتیریشگن.
اوشبو اعلامیهده کیلیشیچه، افغانستانده اوروش گه نقطه قوییلیش شرطی بیلن آمریکا کوچلری نینگ چیقیشی باشلهنیشی کیرهک و بوندهی بولمهگنده، افغانستاندن آمریکا حمایتی کمهیگن صورتده، طالبان گروهی اوروشدن قول تارتیشی قیین دیر.
افغانستان بوییچه آمریکانینگ سابق 9 دیپلماتی تامانیدن قول قوییلگن اعلامیه، اتلانیتک کینگشی تامانیدن ترقهتیلگن.
آمریکا ایلچیلری نینگ اعلامیهسینی بیر قسمتیده کیلیشیچه، «طالبان گروهی بیلن تینچلیک قیلینیشی حاضرگچه بیللی بولمهگن. طالبان گروهی باشقه افغانستانلیکلر بیلن تینچلیک کیلیشووی گه ایریشیش خصوصیده، اوز شرطلرینی آچیق شکلده اعلان قیلمهگن و شونینگدیک، بو گروه سابق ده باشقه سیاسی گروهلر بیلن ایش بیرلیگی قیلمهگن.»
مذکور آمریکاییلیک دیپلماتلرنینگ ایتیشیچه، بیرینچی باسقیچده افغانستاندهگی آمریکاییلیک عسکرلر تیزلیککه کمهیتیریلمهسی لازم؛ چونکه کوپ کمهیتیریلگن صورتده، طالبان گروهی اوروش بیلن یوتوققه ایریشیشلرینی توشونهدی.
اعلامیهده کوپهیتیریلیشیچه، «بیز افغانستان حکومتیدن قیلهدیگن حمایت میزنی کمهیتیرسک و افغانستانلیکلر ارا سوزلشوولر مغلوبیت گه اوچرهگن صورتده، نتیجهسی افغانستانده ایچکی بیر اوروش باشلهنیشی گه تارتیلهدی. افغانستان دولتی وضعیتنی مدیریت قیله آلمهگن صورتده، طالبان حاکمیتیده یامان ایستدهلیک بیلن یشهیدیگنلر اوروش گه قول اوروشلری ممکن.»
آمریکاییلیک دیپلماتلر تامانیدن اوشبو اعلامیه نشر ایتیلگن بیرچاغده، آمریکا و طالبان گروهی آرهسیده تینچلیک کیلیشووی نهایی بولگن و تیزلیککه ایکی تامان آرقهلی قوییلیشی خصوصیده، قرار قیلینگن.
بوندن آلدین، افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزاد، واشینگتن پرنسیپ نقطۀ نظردن طالبان گروهی بیلن کیلیشگن.
کابلده خصوصی تلویزیونلردن بیری گه خاص صحبت بیرگن جناب خلیلزادنینگ ایتیشیچه، بو کیلیشوو اساسیده، بیرینچی باسقیچ ده چمهسی بیش مینگ آمریکاییلیک حربی بیش قرارگاه دن افغانستان نی ترک ایتهدی.
عین حالده، افغانستان حکومتی آمریکا بیلن طالبان آرهسیدهگی کیلیشوونامه توغریسیده آچیقلیک بیریلیشینی طلب قیلگن.
افغانستان تینچلیک لایحهسی بوییچه آمریکانی خاص نمایندهسی زلمی خلیلزاد کابل گه سفر قیلیب و آمریکا بیلن طالبان آرهسیدهگی تینچلیک کیلیشوونامهسی نینگ متنینی ملی بیرلیک حکومت باشلیغلری بیلن شرکت قیلگنیدن سونگ، حاضر جمهورلیک ریاست سرایی نینگ ایتیشیچه، بو حجت توغریسیده آیدینلیک بیریلیشی کیرهک.
جمهورلیک ریاست سرایی نینگ ایتیشیچه، آمریکا و طالبان آرهسیدهگی تینچلیک کیلیشوونامهسی نینگ نتیجهلریدن خواطرده دیر.
جمهورلیک ریاست سوزلاوچیسی صدیق صدیقی نینگ اوز توییتر صحیفهسیده یازیشیچه، «اوشبو تینچلیک کیلیشوونامهسی نینگ نتیجهلریدن آمریکانینگ سناتورلری و سابق رسمیلری قنچهلیک خواطرده بولسه، افغانستان حکومتی هم شونچهلیک خواطرده دیر و شو یوزهدن بیزلر مذکور حجت توغریسیده آچیقلیک بیریلیشینی سورهب و یامان نتیجهلری دقت بیلن تحلیل قیلینیب و خطرلری نینگ آلدی آلینیشی توغریسیده سعی و حرکت قیلهمیز.»
جناب صدیقی نینگ کوپهیتیریشیچه، «افغانستان حکومتی مملکتده اوروش یکونلنیشی و دایمی تینچلیک تأمینلنیشی گه سبب بولهدیگن تینچلیک لایحهسیدهگی هرقندهی کیلیشمهلردن حمایت قیلهدی، بیراق طالبان گروهی بیلن آمریکانینگ تینچلیک کیلیشوونامهسی توغریسیده افغانستان حکومتی نینگ اصلی خواطری، بو کیلیشوونامهدن چیقهدیگن یامان نتیجهلر و خطرلری نینگ آلدی قندهی بیر شکلده آلینیشی گه دیر.»
افغانستان تینچلیک لایحهسی بوییچه آمریکانی خاص نمایندهسی زلمی خلیلزاد، یکشنبه کون (10- سنبله) دوحه ده طالبان گروهی بیلن بولگن 9- دور تینچلیک سوزلشوولری یکونلنگنیدن سونگ، کابل گه سفر قیلیب و 9- دور تینچلیک سوزلشوولری خصوصیده بولگن معلومات نی افغانستان حکومتی نینگ رهبرلری بیلن شریک قیلدی.
شو توغریده…
اسلامی امارت قیتیشی آمریکا اوچون قبول قیلینمس دیر
