آمریکا جمهور باشلیغی دونالد ترامپ، فاکسنیوز تلویزیونی بیلن تلفون آرقهلی صحبت اوتکزیب طالبان گروهی بیلن ینگی بیر کیلیشوو اوستیگه ایشلشیدن خبر بیرگن.
جناب ترامپ، افغانستانده بولگن آمریکالیک حربیلرنینگ کمهیشی اوستیگه تاکید قیلگن.
آمریکا جمهور باشلیغی نینگ کوپهیتیریشیچه، «سابق طالبان گروهی بیلن بیر کیلیشووگه ییقینلشگن ایدیک، بیراق طالبان گروهی نینگ انسانلرنی اولدیریشگه دوام بیریشی باعث، اوشبو گروه مسووللری بیلن اوچرهشوونی رد قیلدیم.»
افغانستان تینچلیک لایحهسی بوییچه آمریکا تشقی ایشلر وزیرلیگی نینگ خاص نمایندهسی زلمی خلیلزاد طالبان گروهی بیلن 9 مرته اوچرهشیب افغانستان تینچلیک لایحهسی خصوصیده صحبت قیلگن ایدی و او پیتلرده ایکی تامان بیر کیلیشووگه ییقینلشگنلریدن خبر بیرگن ایدی.
بیراق، کابل شهریده طالبان تامانیدن اویوشتیریلگن خودکش هجوم نتیجهسیده آمریکالیک عسکرلردن بیری نینگ هلاک ایتیلگنی باعث، تینچلیک سوزلشوولر آمریکا جمهور باشلیغی تامانیدن توختهتیلدی.
عینحالده، طالبان گروهی نینگ قطردهگی سیاسی دفتری سوزلاوچیسی سهیل شاهین نینگ سلاموطندارگه ایتیشیچه، طالبان گروهی بیرینچی کیلیشوونامهنی امضالشگه تیار دیر و باشقه ینگی کیلیشوونامهگه نیاز ایمس.
