امریکالیک بیر قنچه قانونچیلر بو مملکت کانگرس کمیتهسیده اقشنینگ پاکستان حکومتیگه کورسته دیگن یاردملری کیسیلیشی اوستیده تاکید ایتگنلر. «پاکستان ترورچیلرگه قرشی کورهش» نامیده اوتکزیلگن ییغینده امریکالیک مذکور قانونچیلر، رسمی اسلام آباد ترورچیلیککه قرشی کورهش بهانهسیده هنوزگچه امریکادن میلیونلب دالر قولگه کیریتگن لیگینی تیلگه آلگنلر. اما، پاکستان هنوزگچه بو خصوصده هیچ بیر ایش قیلمهگن.
امریکا قوشمه ایالتلری میلادی 2001- ییلدن بویان ترورچیلیککه قرشی کورهش اوچون پاکستان حکومتیگه 33 میلیارد اقش دالری کومک قیلگن. کانگرس اعضالریدن بیری مت سلمون، اوشبو کومکلرگه قرهمی هنوز هم پاکستان جاسوسلیک ادارهسی ترورچی گروهلر بیلن علاقهسی بار دیگن.
اما، پاکستان اینیقسه بو مملکت جاسوسلیک ادارهسی هر دایم عصیانچی گروهلرنی حمایت قیلگنلیکنی رد قیلیب، مملکتی حربیلری تامانیدن قبیلهلر منطقهسیده اوتکزیله دیگن عملیاتلرگه اشاره قیلیب ترورچیلر قربان بولیب کیلگن لیگینی ادعا قیلگن.
امریکانینگ سابق عراق و افغانستان اوچون ایلچیسی زلمی خلیلزاد، بوندن نیچه وقت آلدین امریکا کانگرسینینگ تشقی علاقهلر کمیتهسیگه بیرگن حجتلریده پاکستان تشقی استراتیژیسی "افغانستاندهگی اوروش عامل" دییه قید ایتیلگن.
جناب خلیلزادگه کوره، پاکستاندهگی دهشتلی جنگریلر فقط خلق ارا حربیلر ایمس، افغانستانلیک حربی و ناحربیلر شامل دنیا بویلب افراطیتنینگ اصلی عاملی حسابلنهدی. او، امریکه قوشمه ایالتلری دنیا بولیب تررچیلرنی نابود قیلیش نیتده بولگن حالده، بو پدیدهنی پاکستانده ایلدیزدن قوریتیش نی تکلیف قیلگن.
جناب خلیلزاد سوزلرینی تصدیقلهگن لانگ وار ژورنال مدیر مسوولی و دموکراسی بنیاد اعضاسی، پاکستانگه کورسهتیله دیگن بوتون کومکلر توختهتیلیشینی سورهگن. روگیونینگ ایتیشیچه، اوشبو یاردملر بوتونلی توختهتیلگن حالده، وضعیتنی کنترول قیلیش ممکن.
امریکالیک قانونچیلر، پاکستان جاسوسلیک ادارهسی (ISI) ترورچیلرگه همکارلیک قیلیب حمایت ایتگن لیگینی معلوم قیلیب، اما طالبان نینگ سابق رهبری ملااخترمحمد منصور پاکستان توپراغیده اولدیریلیشی اوشبو ادعالر اوچون یقال مثال سنهلهدی دیگنلر.
پاکستان حربیلرینینگ بو مملکت شمالی وزیرستاندهگی عملیاتلر نتیجه بیرمهگن لیگی سبب امریکا اسلام آبادگه ییلده کورسته دیگن بیر میلیار دالرنی کیسیب قویگن ایدی. چونکه، جلالدین حقانی ترماغینینگ اصلی ترماغی بولمیش شمالی وزیرستان هنوز جنگریلردن تازه لنمهگن.
شمالی وزیرستان جنگریلر و قوراللی عصیانچیلرنینگ اصلی مرکزی سنهلهدی. افغانستانده خلق ارا حربی کوچلری و حکومت حربیلری مقابلیده اوروش قیله دیگن جنگریلر شمالی وزیریستانده تربیهلهنیب کیین افغانسانگه کیلهدیلر.
