بوگون «دوشنبه» وزیرلر کینگشیده نطق سوزلهگن ملی بیرلیک حکومت اجراییه باشلیغی عبدالله عبدالله نینگ ایتیشیچه، بوندهی بیر شرایطده یوز بیرهدیگن تعییناتلر سیاسی قراردن باشقه نرسه دییلمهیدی.
جناب عبدالله نینگ ایتیشیچه، کابینه اعضالرینینگ چیکلنتیریلیش موضوعسی اولربیلن شریک قیلینمهیدی و اولر چیکلنتیریلیشلرینی اجتماعی ترماقلر آرقهلی، خبر بولهدیلر.
اوتگن هفته مملکت مخابرات وزیری شهزادگل آریوبی و عالی اوقوویورتلر وزیری نجیبالله خواجه عمری ایشلریدن چیکلنتیریلیب اولر اورنیده فهیم هاشمی و عبدالتواب بالاکرزی مذکور وزیرلیکلرده سرپرست عنوانیده تعیین ایتیلگن بیرحالده، اوشبو بیاناتلر صورت تاپهدی.
بیراق، جمهورلیک ریاستی سوزلاوچیسی نینگ اورین باسری شاهحسین مرتضوی نینگ ایتیشیچه، جمهور رئیس تامانیدن صورت تاپهدیگن بوتون حرکتلر قانونگه ماس دیر.
جناب عبدالله صحبتلری دوامیده تاکید قیلیشیچه، جمهورلیک ریاستی نامزدلرینی سیلاو کمپاینلریده دولتی امکانیتلردن قولنمهیشلری کیرهک.
