امیریکه افغانستان و عراقده ایشلهتیب تورگن نظامی جهازلرینی پاکستانگه تاپشیردی.
پاکستان کوندهلیکلریدن اکسپرس نیوز و داون نیوز بیر محرم منبع قولیدن یازیشیچه، امیریکه پاکستان حربیلریگه 13 ته اوروش اوچقیچی، 50 ته اورگتهدیگن تیگ اوچر و 370 جوشنلی موترلرنی اسلامآبادگه یاردم بیرگن.
ایتیلیشیچه، موندن آلدین مذکور قورال و نظامی جهازلر افغانستانده ایشلهتیلیب کیلماقده ایدی.
شونینگدیک هردایم افغانستان رسمیلری امیریکه بیرلشگن ایالتیدن مذکور جهازلرنی اولکه امنیتی کوچلریگه بیریلیشینی سوره گن ایدی. موندن آلدین هند اولکهسی هم امیریکه تامانیدن مذکور جهازلر پاکستانگه بیریلیشی خصوصیده قرشیلیک کورستگن اید.
افغانستان دفاع وزیرلیگینینگ رسمیلری، امیریکهنینگ پاکستانگه نظامی جهازلرینی یاردم بیرگنلیگیدن خبرسیزلیگینی بیلدیرهدی.
دفاع وزیرلیگینینگ مطبوعاتی اورین باسری، مذکور یاردملیکلردن خبر سیزلیگینی بیلدیردی.
اما اولر امیریکه نظامی رسمیلریدن چیقیش پیتلریده مذکور نظامی جهازلرنینگ افغان کوچلریگه تاپشیریلیشینی سورهگن ایدیلر.
جناب وزیریگه کوره، افغانستاندهگی امیریکهلیک نظامی جهازلر اولکه امنیتی کوچلریگه تاپشیریلیشی کوتیلهدی.
اما افغانستان ایش بیلرمانلریگه کوره، امیریکه افغانستاننی ینگی نظامی جهازلرگه ایگه بولیشینی ایستهمیدی.
نظامی مسالهلر ایش بیلرمانی غلامحسین هزارهنینگ سلاموطندار بیلن سوزلشیب ایتیشیچه، امیریکه، افغانستانده بیرضعیف امنیتی کوچ بولیشینی ایستهیدی تا اولکه نظامیلری شونینگدیک واشنگتنگه باغلهنیب قالسهلر.
جناب هزارهگه کوره، امیریکه بیرلشمه ایالتینینگ افغانستانده بحراننی مدیریت قیلیش، استخباراتی و نظامی حضور تاپیشی دیر، نه بحراننی اداغیگه ایتکیزیش بولسه.
اما ایش بیلرمانلردن کوپیسی، افغانستان حکومتینینگ ضعفی، امیریکهنینگ اولکه امنیتی کوچلریگه نظامی جهاز بیرمسلیگی و توجه سیزلیگی دیب بیلهدیلر.
نظامی مسالهلر ایش بیلرمانی خانتدبیرگه کوره، اوتمیش 13 ییلده افغانستان قیلهآلمهگن کیرهکلی نظامی جهازلرینی یاردم بیرهدیگن اولکهلردن آلیشگه موفق بولسه.
موندن آلدین هم امیریکه نظامیلری، افغان امینی کوچلری مذکور اولکه نظامی جهازلریدن ایش آلیش ظرفیتیگه ایگه ایمس دیگن ایدی.
جناب تدبیر هم افغان حربی کوچلرینینگ امیریکه جهازلریدن ایش آلیشگه عاجزلیک قیلیش ایشانچیگه دیر.
شونینگدیک واشنتگن، روسی نظامی جهازلر جملهدن مذکور اولکه تیگ اوچرلرینی افغان امنیتی کوچلریگه ساتیب آلگن.
ایتیلیشیچه، ملی بیرلیک حکومتی امیریکه بیلن افغانستان ارا امنیتی کیلیشیکگه قول قویش تلاشلری امیریکه نظامی جهازلریگه ایتیش ایدی.
