بوگون کابلده خبری ییغین اوتکزگن ترانسپورت وزیری محمدحمید طهماسی، اوشبو وزیرلیک ایشلاوچیلریدن 60 تهسی فسادگه قولی بارلیککه عیبلنیب 18 دوسیه اساسیده، قارهلاوچیلیککه تانیشتیریلگنیدن خبر بیرگن.
ترانسپورت وزیری گه کوره، فسادگه عیبلنگنلرگه اوشبو وزیرلیکنینگ باشلیغ، مدیر و آمرلری شامل دیر. ترانسپورت وزیرینینگ ایتیشیچه، اوشبو وزیرلیک درامدی یوقاری کیتیشی ده فسادگه قرشی کورهش نتیجه بیرگن.
شونینگدیک، ترانسپورت وزیرینینگ ایتیشیچه، ملیبس خذمتلری مذکور وزیرلیکنینگ اساسی ایشلریدن دیر؛ بیراق ملیبسلر سقلهنیشی توغریسیده بیفرق یاندهشیلگنی سبب، بسلر رقمی 1049 عراده دن 290 گه کمهیگن.
جناب طهماسی، کابلده هند ایلچیخانهسی بیلن شرطنامه امضاءلگنیدن خبر بیریب ایتیشیچه، اوشبو شرطنامه اساسیده، هند ملیبسلرگه نیاز اسکونه-اسبابلرنی تیارلهیدی و بسلر ایسه قیتهدن فعال بولهدی.
