افغانستان ملی مدافعه وزیرلیگی نینگ مسووللری، رسمی مسکودن قوراللی طالبلرگه ایمس افغان ملی کوچلریگه یاردم قیلیشنی سورهگن. بو سوزلر مدافعه وزیرلیگی نینگ سوزلاوچیسی دولت وزیری بوگون کیسکین ماموریت نینگ سوزلاوچیسی بیل سیلوان بیلن اوتکزگن مطبوعات انجمنیده ایتگن.
دولت وزیریگه کوره، روسیه قوراللی طالبلرنینگ شریدن قوتیلیشنی ایستهگن حالده، آلدین دن کوره کوپراق افغان حربیلرینی حمایت قیلیشی ضرور.
ملی مدافعه وزیرلیگی نینگ سوزلاوچیسی، طالبلرنی حمایت قیلیب بو حرکتنی قوللب قوتلش منطقه ده مسکونی کوچلهنیشی اوچون هیچ کومک قیلمهیدی.
وزیری، ایران روسیه و باشقه هر بیر مملکت جنگری گروهلرنی نابود بولیشینی ایستهگن حالده، افغانستان حکومتینی قوللب قوتلشلری کیرهک لیگی اوستیده تاکید ایتگن. چونکه هر بیر دولتدن کوره، افغانستان حکومتی بو توغریده کوپدن کوپ قربانلیک بیرگن.
ییغینده سوزلهگن کیسکین ماموریت نینگ سوزلاوچیسی بیل سیلوان، ناتو ترورچیلیککه قرشی کورهش اوچون افغانستان حکومتیگه بیرگن وعدهسیگه تورگن دیدی.
بیل سیلوان نینگ تعبیریچه، قوراللی طالبلرنی حمایت ایتیش هیچ بیر دولت نینگ فایدهسیگه ایمس. بوندن نیچه وقت آلدین نشر بولگن گزارشلرده افغانستاندهگی جنگری طالبلر رسمی مسکو آرقهلی دستکلنگن لیگی قید ایتیلگن ایدی.
شونینگدیک روسیه نینگ افغانستاندهگی ایلچیسی الکساندر منتیتسکی، بو مملکتدهگی دیپلوماتلری جانی امنیتی تامین بولیش نیتده قوراللی طالبلر بیلن مناسبت قوریلگن لیکلرینی اعتراف قیلگن ایدی.
