نمایندهلر مجلسینینگ وزیرلر استیضاح قیلیش تورتینچی کونیده هم 4 وزیر اوچون صندوق قویلدی. بومرته هم وزیرلر غیابتیده رأی بیریلدی.
سوو برق وزیری علیاحمد عثمانی 115 تأیید و 60 رد رأی، ایکینچیلیک و چارواچیلیک وزیری اسدالله ضمیر 131 تأیید و 62 رد رأی و مخدر مادهگه قرشی کورهش وزیری سلامت عظیمی 72 تأیید و 114 رد رأی آلیشلری بیلن جایلریگه قالدی. بیراق، مخابرات و تکنالوژی وزیری49 تأیید و 174 رد رأی آلیشی بیلن مجلس تامانیدن صلاحیت سیزلنتیریلدی.
کیتمه کیت اوتمیش اوچ کونده نمایندهلر مجلسی، عدلیه، شهر قوریش، یوکسک تحصیلات، تشقی ایشلر، ایش و اجتماع، فواید عامه، سالیق/مالیه، ترانسپورت و معارف وزیرلرینی استیضاح قیلدیلر و نهایتده اوشبو وزیرلردن 5تهسی ایشدن آلیندیلر.
وزیرلرنی استیضاح قیلیش دلیلی بودجهدن 70 فایزینی مصرف قیلمهگنلیکلری، قانونگه قرشی عمل قیلیش و آلدیندن تولنهدیگن پولنی تولمهگنلری سبب بولگن.
بوگونکی اولتیریشده، مجلس نمایندهلریدن 201 کیشی کیلگن ایدی. وزیرلرنی ایشدن آلیش اوچون 118 رد رأی تعین قیلینگن ایدی.
