جمهورلیک ریاستی بیرخبرنامه آرقهلی، قطر تینچلیک ییغینینینگ قطر حکومتی تامانیدن لغو ایتیلگنیدن خبر بیرگن.
خبرنامهده کوپهیتیریلیشیچه، قطر مملکتی اوتگن کیچه تینچلیک سوزلشوولرده اشتراک قیلهدیگن هیاتنینگ رویخطینی افغانستان گه یوبارگن و اوشبو رویخط گه برابرلیک نظرگه آلینمهگن.
خبرنامهگه کوره، شوندهی رویخط نی یوباریلیشی افغانستان یشاوچیلری نینگ ارادهسیگه حرمتسیزلیک قیلیش دیر و قابل قبول ایمس.
اوشبو خبرنامهگه کوپهیتیریلیشیچه، قطر تامانیدن ینگی رویخط یوباریلگنیدن سونگ، جمهور رییس غنی قطار قوم بویوکلر بیلن مصلحتی ییغین اوتکزگن و نیتجهده قطر تامانیدن یوباریلگن رویخط قبول بولمهگن و قطر حکومتی هم افغانستانلیکلر آرهسیده بولگن تینچلیک ییغینی لغو قیلگن.
شوتوغریده…
تینچلیک سوزلشوولر؛ آمریکا و طالبان نمایندهلری قطرده اوچرهشهدی
«تینچلیک سوزلشوولریده افغانستان حکومتی نینگ اورنی برجسته بولهدی»
عینحالده، طالبان گروهی بیر خبرنامه آرقهلی، قطر تینچلیک ییغینینینگ لغو ایتیلیش مسوولیتینی افغانستان حکومتی بوینیگه تشلهگن.
طالبان گروهینینگ خبرنامهسیگه کوره، قطر تینچلیک ییغیننی مسکو ییغینی کبی بولیشی ممکن ایدی، بیراق افغانستان حکومتینینگ مسووللری، هردایم اوشبو ییغینده اشتراک قیلگنلرنینگ افغانستان حکومتیدن نمایندهلیک قیلمهسلیگینی ایتگن ایدی و بو موضوع تینچلیک سعی و حرکتگه توسیق بولیشنی اثبات قیلهدی.
افغانستانلیکلر آرهسیده بولگن تینچلیک سوزلشوولرنی کیلهجک هفته شنبه و یکشنبه کونی قطرنینگ دوحه شهریده یولگه قوییلیشی ممکن ایدی، بیراق قطار منبعلر اوشبو ییغیننینگ لغو ایتیلیشیدن خبر بیرگن.
