افغانستان میدیالریدن بیرقطاریده صحبت بیرگن منبعلرنینگ ایتیشلریچه، انس حقانی و حقانی ترماغی نینگ باشقه ایکی اعضاسی «دوشنبه کون کیچ قورون، 27- عقرب» بگرام قماقخانهسیدن قوییب یوباریلیب قطرگه یوباریلگن.
مذکور منبعلرگه کوره، لیکن حقانی ترماغی نینگ مذکور اوچ اعضاسی قطرده اوی قماقخانهسیده بولیشی ممکن.
دیمک، حقانی ترماغی نینگ اوشبو اعضالری آمریکا-افغانستان بیلیم یورتی نینگ ایکی استادی بیلن المشتیریلگن، بیراق حاضرگهقدر مذکور ایکی استاد قوییب یوباریلیشی توغریسیده دقیق خبر قولگه کیریتیلمهگن.
عین حالده، مملکت ملی خوفسیزلیک کینگشیدن آتی فاش ایتیلیشینی ایستمهگن بلند مرتبهلی بیر منبع نینگ سلاموطندارگه ایتیشیچه، حقانی ترماغی نینگ مذکور اوچ اعضاسی قوییب یوباریلیب و قطرگه انتقال بیریلگن.
شوندهی بیرحالده، افغانستان جمهور رئیسی محمداشرف غنی ایری تلیفونی علاقهلرده آمریکا تشقی ایشلر وزیری مایک پومپئو و ملی خوفسیزلیک مصلحتچیسی رابرت اوبراین بیلن صحبت اوتکزگن.
جمهورلیک ریاست سرایی تامانیدن نشر ایتیلگن خبرنامهده یازیلیشیچه، بو سوزلشوولر اوتگن کیچه اوتکزیلگن و ایکی تامان حقانی ترماغی نینگ اوچ اعضاسی قوییب یوباریلیشی اوچون ییترلی آدیملر کوتریلیشی خصوصیده صحبت قیلیشگن.
خبرنامهده کیلیشیچه، اوشبو تلیفونی علاقهلرده ایکی تامان آتیشکیسین و زوروانلیکلر کمهییشی توغریسیده کیلیشگن.
خبرنامهده کوپهیتیریلیشیچه، آمریکا رسمیلری جمهور رئیس غنی نینگ قراریدن حمایت قیلیب و سوز بیریشیچه، افغانستان حکومتی بیلن بیرگهلیکده و یقیندن ایشلهیدیلر و طالبان گروهی بیرگن سوزلرینی عمل گه آشیرمهی و زوروانلیککه قول اورگن صورتده، جوابی بیریلهدی.
جمهورلیک ریاست سرایی نینگ خبرنامهسیده یازیلیشیچه، آمریکا تشقی ایشلر وزیری و ملی خوفسیزلیک مصلحتچیسی، ننگرهارده داعش گروهی نینگ باشپناهلری نابود قیلینیشی خصوصیده، افغانستان امنیتی کوچلری نینگ سعی و حرکتلریدن قدردانلیک بیلدیریشگن و بو کوچلردن دواملی شکلده حمایت قیلیشلری اوستیگه تأکیدلب و افغانستان ینه بیر بار خلق ارا تروریستلری نینگ باشپناهی گه اوزگرمهسینی بیلدیرگن.
عین حالده، طالبان گروهی نینگ سابق قومندانی سیداکبرآغانینگ سلاموطندارگه ایتیشیچه، حقانی ترماغی نینگ مذکور اوچ اعضاسی جمهور رئیس غنی آمریکا تشقی ایشلر وزیری و ملی خوفسیزلیک مصلحتچیسی بیلن تلیفونی علاقه قورمهسیدن آلدین بگرام قماقخانهسیدن قوییب یوباریلگن.
شو توغریده…
«انس حقانی قوییب یوباریلمهگنی آمریکا بیلیم یورتینینگ استادلری تیریک بولمهگنینی کورستهدی»
