نیچه وقت آلدین، افغانستان مخابرات و معلومات وزیری شهزادگل آریوبی و جمهور رئیسنینگ ییریک مصلحتچیسی همایون قیومی، امریکاده فیسبوک مرکزی ادارهسیگه باریب و افغانستان دولتینینگ ایستکلرینی اولر بیلن شریک قیلگن.
مخابرات و معلومات وزیرلیگینی سوزلاوچیسی سایر زلاندنینگ سلاموطندارگه ایتیشیچه، اوشبو اوچرهشوودن مقصد، «افغانستان قانونلری و مدنیتی» نقطهی نظریدن و شونینگدیک، فیسبوک ایشلاوچی عیاللرنینگ کوپراق خوفسیزلیگی اوچون فیسبوک فضاسی قیسقرتیریلیش موضوعی بولگن.
جناب زلاندنینگ کوپهیتیریشیچه، افغانستان رسمیلری فیسبوک ادارهسیدن فیسبوک صحیفهلری باشقریلیشینی اولرنینگ اختیاریده قوییب و «فیسبوک کچسروری» نی دولت اوچون ایرکینلشتیریلیشینی طلب قیلگن. «فیسبوک کچسرور» کُد بیرهدیگن بیر سیستم بولیب و اونده ایشلاوچیلر تامانیدن بیریلهدیگن معلومات ثب ایتیلمهیدی و شو یوزهدن بیریلگن معلومات دن سوء استعمال ایتیلمهیدی.
مخابرات و معلومات وزیرلیگینینگ سوزلاوچیسی گه کوره، دولت فیسبوک شرکتی بیلن شرطنامه باغلب سوز ایرکینلیگینی قیسقرتیرمهدی، بیراق دین، مدنیت و ملی منفعتلرگه قرشی موضوعلرنینگ آلدی آلینیشی اوچون فیسبوک فضاسی ایرکین شکلده دولت تامانیدن مدیریت بولینیشی لازم.
بیراق، فنی معلومات ایش بیلرمانلریدن بیرقطارینینگ ایتیشیچه، فیسبوک مدیریتی افغانستان دولتی گه تاپشیریلگن صورتده، فیسبوک فضاسی قیسقرتیریلیب و ایشلاوچیلرنینگ اوستیگه باسقین کیریتیلهدی.
فنی معلومات ایش بیرمانلری عزیزالله رحمتی و احمد جویانینگ ایتیشیچه، مقصد یالغیز فیسبوکده عیاللرنینگ خوفسیزلیگی سقلهنیشی و ساخته صحیفهلرنی تانیماق بولسه باشقه بیر موضوع دیر، بیراق اونملی بولگن موضوع ایرکینلیک فضاسی دیر و ایشلاوچیلر اونی شخصی فضا دیب بیلهدی.
اجتماعی ترماقلر نظارت قیلینیش مسئلهسی فیسبوک کبی ترماقلر افغانستانده فکر المشتیریش و معلومات قولگه کیریتیش بحثیده تأثیرچن رول اوینهگن بیرچاغده، بیان ایتیلگن. اوشبو ترماقلر آرقهلی کوپینچه کیشیلر دولتدن جدی شکلده تنقید قیلیب و کوپینچه مدنی حرکتلرنی مملکت بوییچه یولگه قویگنلر.
