افغانستان عالی محکمهسی پارلمان تامانیدن صلاحیتی آلینگن وزیرلر تقدیری توغریسیده آلینگن قرارنی اعلان قیلیشی کوتیلهدی.
نامی سِر سقلهنیش شرطی بیلن سلاموطندارگه صحبت بیرگن عالی محکمهنینگ بیر منبعی، صلاحتی چیکلنتیریلگن 7 وزیر توغریسیده هنوز هم تیکشروولر دوامی بارلیگینی تیلگه آلگن. منبع، عالی محکمه سونگی قرارینی (شنبه) کون اعلان قیلیشی ممکن دیگن.
بوندن آلدین نمایندهلر مجلسی عالی محکمه نینگ قراری ملی کینگش اعضالری قراریگه قرشی آلینگن حالده، بو ایکّی قوه اورتهسیده ضدیت کوپهیشی ممکن دیگن ایدیلر.
بوندن بیر آلدین مملکت ملی مجلسی حکومت کابینهسی نینگ 17 وزیری بودجهنی 70%نی صرفلشگه موفق بولمهگنی اوچون استیضاح ایتگن ایدی. نتیجهده 7 وزیر صلاحیتسیز لنتیریلیب و 10 وزیر ایسه قیتهدن لوازمیده قالگن ایدی.
نمایندهلر مجلسی نینگ بو قرارینی تن آلمهگن جمهور رییسلیک سرایی عالی محکمهدن اساسی قانون نینگ 92 مادهسیگه موافق بو توغریدهگی قرارینی اعلان قیلیشنی سورهگن.
