بوگون «شنبه» افغانستان نمایندهلر کینگشینینگ عمومی ییغینیده، سیلاولر کونیده بایومتریک سیستمهسیدن فایدهلنیشی خوش قرشیلندی، بیراق نمایندهلرنینگ اورغولشیچه، بو سیستم دن آنلاین شکلده فایدهلنیش کیرهک؛ چونکه آنلاین شکلده فایدهلنیلگن صورتده، ساختهکارلیک و تکراری آواز نی آلدی آلینهدی و بوندهی بولمهگنده سیلاولرده ساختهکارلیکلر یوز بیریشی ممکن.
نمایندهلر کینگشی اعضالریدن بیرقطارینینگ ایتیشیچه، سیلاولر کمیسیونی تنیق و عدالتلی شکلده ایش قیلیب و بایومتریک سیستمهسی توغریسیده یشاوچیلرگه گزارش بیریشی لازم.
نمایندهلر کینگشی باشلیغی عبدالرؤوف ابراهیمینینگ ایتیشیچه، افغانستان یشاوچیلری آواز بیرووچیلر بایومتریک آرقهلی رویخطگه آلینیشی و سیلاولر تنیق شکلده یولگه قوییلیشینی ایستهیدی. شو یوزهدن جناب ابراهیمی گه کوره، سیلاولر کونیده بایومتریک سیستمهسیدن فایدهلنیش ضرور دیر و شونینگدیک، سیلاولر ایرکین کمیسیونی جواب بیریش کیرهک.
شونینگدیک، اوتگن کون تینچلیک عالی کینگشینینگ سابق باشلیغی برهانالدین ربانینینگ ترورینی 7- ییللیگیدن نشانلش مراسمده اجراییه باشلیغی عبدالله عبدالله، سیلاولرده بایومتریک سیستمهسیدن فایدهلنیشی توغریسیده خبر بیرگن ایدی.
