قطرده طالبان نینگ سیاسی دفتری نی اعلان قیلیشیچه، افغانستان تینچلیک لایحهسی بوییچه آمریکانی خاص نمایندهسی زلمی خلیلزاد و آمریکا کوچلری نینگ قومندانی جنرال اسکات میلر، قطرده مذکور دفترنینگ اعضالری و ملاعبدالغنی برادر بیلن اوچرهشگن.
قطرده طالبان نینگ سیاسی دفتری سوزلاوچیسی سهیل شاهین نینگ اوز توییتر صحیفهسیده یازیشیچه، بو اوچرهشوو قطر باش وزیری نینگ اورین باسری و تشقی ایشلر وزیری شیخ محمد بن عبدالرحمان آلثانی نینگ میزبانلیگی بیلن اوتکزیلگن.
شاهین نینگ ایتیشیچه، بو اوچرهشووده تینچلیک کیلیشوونامهسی بوتونلهی عمل گه آشیریلیشی، محبوسلرنی قوییب یوباریش آرتده قالدیریلگنی، کیلیشوونامه بوزمهچیلیکلری و اونی حل قیلیش طریقهسی توغریسیده صحبت قیلینگن.
شونینگدیک، «جمعه کون، 22- حمل» کیچ قورون طالبان نینگ سیاسی دفتری، اوشبو دفترنینگ اعضالری بیلن اسکات میلر اوچرهشگنیدن خبر بیرگن ایدی. سهیل شاهین، بو اوچرهشووده تینچلیک کیلیشوونامهسی تطبیق ایتیلیشی و نقض ایتیلگن موضوعلر توغریسیده بحث قیلینگنینی ایتگن ایدی.
قطرده طالبان نینگ سیاسی دفتری اعضالری بیلن زلمی خلیلزاد و اسکات میلر کیین مه کیین اوچرهشیشلریدن آلدین طالبان تامانیدن نشر قیلینگن اعلامیهده، مذکور گروه بیلن آمریکا آرهسیده امضالنگن تینچلیک کیلیشوونامه افغانستان حکومتی و آمریکا کوچلری تامانیدن نقض قیلینگنی ایتیلگن ایدی.
طالبان گروهی نینگ محبوسلری افغانستان قماقخانهلریدن تیزلیککه قوییب یوباریلمهگنی آمریکا و افغانستان دولتی تامانیدن نقض قیلینگن موضوعلریدن بیری دییلهدی.
طالبان گروهی «جمعه کون، 22- حمل» ده نشر قیلگن اعلامیهده، بوزمهچیلیکلر دوام ایتگن صورتده، ایشانچسیزلیک وجودگه کیلهدی و بو بوزمهچیلیکلرگه عکسالعمل طالبان زوروانلیکلرینی آشیریشی توغریسیده آگاهلنتیرگن ایدی.
