آمریکا و ناتو افغانستاندن چیقیش اوچون بیرگه قرار قیلهدی.
افغانستان تینچلیک لایحهسی بوییچه آمریکا تشقی ایشلر وزیرلیگی نینگ خاص نمایندهسی زلمی خلیلزادنینگ اوز توییتر صحیفهسیده یازیشیچه، افغانستانده آمریکا و ناتو نینگ مأموریتی قوشمه شکلده آلغه آلیب باریلهدی و آمریکا کوچلری افغانستاننی ترک قیلگن صورتده، ناتو بیلن بیرگه ترک قیلهدی.
جناب خلیلزادنینگ بو توییتریده ایتیشیچه، «بیزلرنینگ ناتو، باشقه شریکلریمیز و بیرلشیکلریمیز بیلن بولگن قوشمه همکارلیگیمیز بیرینچی کوندن اولویتمیز ایدی، بیزلر بیرگه کیلدیک و بیرگه افغانستانده قالیش اوچون ریجه تیارلهدیک و قوشمه شکلده حرکت قیلهمیز، افغانستان نی ترک قیلگنیمیزده هم بیرگه ترک قیلهمیز.»
عین حالده، افغانستان حربی ایش بیلرمانلریدن بیرقطارینینگ ایشانچی گه کوره، افغانستاندن آمریکا کوچلری چیققن صورتده، ناتوگه اعضا بوتون چیتایللیک کوچلر مملکتدن چیقیشی ممکن.
اوشبو حربی ایش بیلرمانلرنینگ اورغولشیچه، افغانستانده چیتایللیک کوچلرنینگ حضوری عصیانچیلرگه قرشی کورهش یانیده، افغان امنیتی کوچلری گه یخشی تعلیمات بیریلیشی گه زمینه یرهتیلهدی و چیتایللیک کوچلر چیققن صورتده، امنیتی و دفاعی کوچلرگه حربی تعلیمات بیریش موضوعی هم قیینچیلیککه دوچ کیلهدی.
شونینگدیک، بوندن آلدین ناتو تشکیلاتی نینگ اعلان قیلیشیچه، افغانستانده ضرورتدن آرتیق قالمهیدی، بیراق اورغولشیچه، افغانستاندن کوچلرینی چیقاریش زمان اساسیده اجرا ایتیلهدی و شونچه مدتده قولگه کیریتگن یوتوقلری و هدفلری خطرگه روپهره بولمهیدی و افغانستان ینه-ده عصیانچیلرنینگ اویهسیگه اوزگرمهگن صورتده، بو مملکتنی ترک قیلهدی.
افغانستانده حاضر کیسکین حمایهوی کوچلر مأموریتینینگ چارچوبهسیده چمهسی 16 مینگ چیتایللیک عسکر موجود دیر و بو عسکرلر افغانستان امنیتی و مدافعه کوچلریگه مصلحت و حربی تعلیمات بیریش بولیملریده یاردم بیرهدی.
شو توغریده…
