بوگون «شنبه» کابلده خبری بیر ییغینده نطق سوزلهگن تینچلیک عالی کینگشی نینگ دبیرخانه باشلیغی و تینچلیک مصلحتی قورولتاینی یولگه قویهدیگن کمیسیون باشلیغی عمر داوودزی نینگ ایتیشیچه، تینچلیک مصلحتی قورولتای ده عیاللرنینگ 30% سهمیهسینی رعایت قیلمهگن ولایتلر، تنلاو حجتلری قبول قیلینمهسیگه علاوه، جزالنتیریلهدی.
تینچلیک مصلحتی ییغین نینگ یولگه قویهدیگن کمیسیون باشلیغی، قندی جزالنتیریلیشی خصوصیده صحبت قیلمهیدی. داوودزی نینگ ایتیشیچه، تینچلیک مصلحتی قورولتای گه 30 مینگ کیشی نینگ اشتراک قیلیشی ممکن.
عینحالده، بوگون "شنبه" طالبان گروهی بیلن مذاکره قیلووچی هیات اعضالرینی تعیینلش اوچون حکومت تامانیدن جمهورلیک ریاستی سرایده یرهش عالی کینگشی نینگ ییغینینی یولگه قوییلیشی ممکن ایدی.
بیراق، تینچلیک عالی کینگشینی دبیرخانه باشلیغی نینگ ایتیشیچه، یرهش عالی کینگشینینگ ایش کمیتهلری تکمیل بولمهگنی باعث، مذکور ییغین کیینگه تشلنگن.
داوودزی نینگ کوپهیتیریشیچه، یرهش عالی کینگشینینگ 5 ایش کمیتهسیدن بیری ملی بیرلیک حکومتینینگ اجرایی ریاستی عبدالله عبدالله رهبرلیگیگه قوریلگن.
تینچلیک عالی کینگشینینگ دبیرخانه باشلغیگه کوره، طالبان گروهی بیلن مذاکره قیلووچی هیات نینگ ترکیبی خصوصیده کیلیشوو صورت تاپمهگن.
شوتوغریده…
