افغانستان یشاوچیلری و حکومت سابق رسمیلریدن بیرقطاری، بوگون پنجشنبه کابلده کینگ بیر ییغین اوتکزیشیب ایتیشلریچه، مملکت باشقارهلاوچیلیگیده مدنیت و معلومات وزیرلیگی نینگ سابق مصلحتچیسی حلیم تنویرنینگ تبعیضلی بیاناتلریگه قرشی شکایت رویخطگه بیریشگن.
ابنسینا خصوصی بیلیم یورت باشلیغی محمدامین احمدی نینگ ایتیشیچه، حلیم تنویرنینگ بیاناتی ملی منفعت گه قرشی و نفرتلی دیر و شو یوزهدن اونگه قرشی باشقارهلاوچیلیکده شکایت قیلیشگن.
جناب احمدی گه کوره، مملکتده نژادپرستلیک ادبیاتیدن فایدهلنیش باعث، خاص بیر قوم مقصدلی هجوم گه دوچ کیلگن.
اونینگ کوپهیتیریشیچه، مملکتده نفرتلی و نژادپرستلیک ادبیاتی گه قرشی توپلم شکلده کورهشیلیب و بو پدیده جایینی عدالت، بیرلیک و بیردملیک ادبیاتی گه تاپشیریشی کیرهک.
جمهور رئیس غنی نینگ سابق مصلحتچیسی محمدعلی محمدی نینگ ایتیشیچه، حلیم تنویرنینگ بیاناتلری جنایت سنلهدی و شو یوزهدن اوتگن کون اونگه قرشی باشقارهلاوچیلیکده شکایت قیلیشگن.
جناب محمدی گه کوره، باشقارهلاوچیلیک بو موضوع تیکشیریلیشی اوچون بیر هیأت تعیین قیلگن و اولر بو حرکت تاکتیکی بولمهسی توغریسیده امید بیلدیریشهدی.
افغانستان بوییچه مدنیت و معلومات وزیرلیگی نینگ سابق مصلحتچیسی حلیم تنویر، 7- دسمبرده «محمدگل مومند» نینگ فعالیتلرینی نشانلش مراسمده ایتیشیچه، صلاحیتی بولگن صورتده، هزاره قیزی نینگ پشتون اوغلی گه نکاح قیلردی.
حلیم تنویرنینگ بو بیاناتی مملکت یشاوچیلری نینگ جدی عکسالعمللریگه دوچ کیلدی. مملکت یشاوچیلری حلیم تنویرنینگ بیاناتلری تبعیضلی و خاص بیر قوم گه اهانت دییشگن.
بیراق، حلیم تنویر اوز فیسبوک صحیفهسیده سوزلریدن مدافعه قیلیب و ایتیشیچه، مقصدی ملی بیرلیک اوچون بوتون قوملرنی ارهلشتیریش بولگن.
