افغانستان بوییچه جمهورلیک ریاست سیلاوی یولگه قوییلگنیدن ایکی آی اوتماقده، بیراق حاضرگهقدر سیلاونینگ دستلبکی نتیجهسی اعلان قیلینمهگن.
عبدالله عبدالله رهبرلیگیده بولگن برقرارلیک و یقینلیک سیلاو تیمی، آوازلرنینگ قیته سنهش جریانی باشلنگنی گه قرشی عکسالعمل بیلدیریب و نظارتچیلرینی چقیرگنیدن سونگ، سیلاو کمیسیونی نینگ دولت قورووچی تیمی دن حمایت و قانون گه قرشی حرکت قیلیشگه عیبلگن.
ملی بیرلیک حکومت اجراییه باشلیغی و جمهورلیک ریاست سیلاوی نینگ نامزدی عبدالله عبدالله، ینگیلیکده بیلدیرگن عکسالعملیده سیلاو کمیسیونی نینگ آگاهلنتیریشیچه، ناراضیلیک یوزهسیدن وجودگه کیلگن قیینچیلیک مسؤولیتی سیلاو ایرکین کمیسیونی و بو کمیسیون نینگ قانون گه قرشی یول گه ترغیب ایتگنلرنینگ بوینیگه بولهدی.
جناب عبدالله نینگ اوز فیسبوک صحیفهسیده یازیشیچه: «بیز ساختهکارلیک اساسیده بولهدیگن حکومت نینگ آلدینی آلیش اوچون قرقندهی قانونی، مشروع و تینچلیک طلب واسطهلردن فایدهلنهمیز و تینگری یاردمی گه ایشانهمیز. هیچ بیر نرسه خلق نینگ قانونی ایستهگی گه توسیق بوله آلمهیدی. سیلاو کمیسیونیدن قانون، لایحه و طرزالعمل گه قرشی هیچ بیر ایستهگیمیز یوق دیر. خلق نینگ قانونی ایستکلریگه ایجابی جواب بیریشینی ایستهیمیز.»
برقرارلیک و یقینلیک سیلاو تیمی نینگ رهبری، «خلق ایستهگی گه کیمسه توسیق بوله آلمهیدی» دیگن موضوع توغریسیده آچیقچه معلومات بیرمهگن؛ بیراق کورینیشیچه، جناب عبدالله، جمهور رئیس محمداشرف غنی نینگ سونگی بیاناتی گه عکسالعمل بیلدیرگن. جمهور رئیس غنی نینگ ایتیشیچه، کیمسه قانون حاکمیتینی تهدید قیله آلمهیدی.
عبدالله عبدالله نینگ اورغولشیچه، 2014- ییل معاملهسی تکرارلنمهیدی. جناب عبدالله گه کوره، میلادی 2014- ییلده قطار کیشیلر ساختهکارلیکدن فایدهلنیب خلق حیاتی گه حاکم بولیشگن.
عین دمده، سیلاو ایرکین کمیسیونی نینگ سوزلاوچیسی اورین باسری ذبیح سادات، عبدالله عبدالله نینگ هشداری گه بیلدیرگن عکسالعملیده ایتیشیچه، بو کمیسیون نینگ یولی نی برقرارلیک و یقینلیک سیلاو تیمی ایمس، بلکیم قانون تعیین قیلهدی.
سیلاو ایرکین کمیسیونی ینه بیر بار خوفسیزلیک ادارهلریدن 7 شمالی ولایتده آوازلر قیته سنهلیشی خصوصیده زمینه یرهتیشینی سورهگن. 7 شمالی ولایتده برقرارلیک و یقینلیک سیلاو تیمی نینگ طرفدارلری آوازلر قیته سنهلیش جریانی گه توسیق بولیشگن.
شو توغریده…
دوستم سیلاو کمیسیونینینگ آگاهلنتیردی؛ آوازلر قیته سنهلیشی توختهتیلمسه، عصیان قیلهمیز
