.jpg)
محمد محققنینگ ایتیشیچه، خاص کیملیکنی باشقهلرنینگ اوستیگه تحمیل قیلیش سعی و حرکتلری، مملکت وضعیتینی بوندن کوره یمان قیلهدی.
بوگون «یکشنبه» افغانستاندن روس کوچلری چیققنینی نشانلش مراسمده سوزگه چیققن اجراییه ریاستی ایکینچی اورین باسری محمدمحققنینگ، برقی کیملیکلرده افغان سوزی کیریتیلیشی توغریسیده بولگن عکسالعمللر دوامیده ایتیشیچه، افغانستان قوملریدن هر بیری اوز کیملیکلری بیلن رسمیتگه تانیلیشی کیرهک.
جناب محققنینگ ایتیشیچه، باشقهلرنینگ اوستیگه بیر کیملیکنی تحمیل قیلیش سعی و حرکتلری یخشی نتیجه بیرمهیدی و بو ایش مملکتنی جدی قیینچیلیککه روپهره قیلهدی.
.jpg)
شونینگدیک، بوگون وزیرلر کینگشیده نطق سوزلهگن اجراییه باشلیغی عبدالله عبدالله نینگ ایتیشیچه، اهالی حاضرگی وضعیتدن خواطرده دیر و دوام ایتیب کیلهیاتگن قیینچیلیک حاضرگی شرایط بوندن کوره یمان بولیشیگه یول آچهدی.
عین حالده، بلخ ولایتیدن چیکلنتیریلگن حاکم عطامحمد نورنینگ طرفدارلری و قوم بویوکلریدن بیرقطاری، کابلده جناب نوردن حمایت بیلدیریش ییغینده ایتیشیچه، بیر کیملیکنی باشقه قوملرنی اوستیگه تحمیل قیلیش قانونگه قرشی دیر و اولر ارگنینگ زورهوانلیگیگه قرشی تورهدیلر.
اوزگریش اوچون بیرلیک تشکیلاتی باشلیغی حسینی مدنینینگ ایتیشیچه، کیچیک بیر تشکیلات تامانیدن کیملیکنی تحمیل قیلدیریش اهالینینگ جانیگه تیگهدی.
