اهالی رویخطدن اوتیش قانونی نینگ آلتینچی مادهسی اوزگرتیریلگن لیگیدن بیر آی اوتماقده. اما، اوشبو قانون تصدیق لهنیشی اوچون هنوز نمایندهلر مجلسیگه یوباریلمهگن.
بعضی بیر حقوقی ایش بیلرمانلر اهالی رویخطدن اوتیش قانونی تصدیق لهنیشی اوچون نمایندهلر مجلسیگه یوباریلشی کیرهک ایدی؛ لیکن، حکومت بو قانوننی هنوزگچه یوبارمهگن دیگنلر.
فیض محمد زلاندگه کوره، حکومت برقی کیملیک ترقهتیلیش جریانینی آرتیده قالدیریش بیلن سیلاولر اوتکزیلیش زمانی کیینگه تشلهیدی.
جناب زلاند، حکومت نینگ تیورهگیده بعضی بیر گروپلر برقی کیملیک ترقهتیلیشی اوچون توسیق یرهتهدیلر دیگن. اونینگ تعبیریچه، اهالی رویخطدن اوتیش ادارهسی معین بیر قوم آرقهلی رهبرلیک قیلینیشی جوده خواطرلی بیر مساله حسابنلهدی.
نمایندهلر مجلسی نینگ ایکینچی اورین باسری محمد نذیر احمدزی، اوشبو فرمان تصدیق ایتیلیشی اوچون کیلگوسی هفته نمایندهلر مجلسیگه یوباریلهدی.
جمهور رییس غنی نینگ سوزلاووچیسی شاه حسین مرتضوی، اهالی رویخطدن اوتیش قانونی تصدیق لهنیش مقصدیده تیز اره ده پارلمانگه یوباریلهدی دیگن.
برقی کیملیک ترقهتیلیشی اوچون اهالی رویخطدن اوتیش قانونی نینگ آلتینچی مادهسی بوندن چمهسی بیر آی آلدین کابینه ییغینیده تصدیق لهنیب جمهور رییس غنی تامانیدن توشیح بولگن ایدی. اهالی رویخطدن اوتیش قانونی نینگ آلتینچی مادهسی برقی کیملیکده شخص نینگ خصوصیتلری بارهسیده معلومات بیرهدی. اوزگرتیریلگن قانونگه موافق ملیت اورنیده افغان سوزی و قومیت هم یازیلهدی.
