سابق شوروی قیزیل قوشینیگه قرشی اوروشده موفق بولگن مجاهدلرنینگ 24 ییللیگینی نشانلش ییغینده سوزلهگن حکومت اجراییه باشلیغی عبدالله عبدالله نینگ تورمهدن آزاد ایتیلگن محبوسلر توغریسیده اشاره قیلیب ایتیشیچه، اوشبو محبوسلر آزادلیککه چیقاریلگن لیگی تاریخی خطا بولگن.
ییغین بوگون (8 ثور) ملی بیرلیک حکومتی رهبرلری، جمهور رییس لیک و اجراییه ریاستی اورین باسرلری، نمایندهلر و سنا مجلسی نینگ باشلیغلری، وزیرلر، عالی تینچلیک کینگشی اعضالری، بیرقنچه سیاستچیلر اشتراکیده جمهور رییسلیک سر ایی نینگ سلام خانه قصریده اوتکزیلدی.
خودکش هجوملرنی عملگه آشیریشده قولی بارلیگی اوچون قماقه آلینیب آزادلیکدن محروم ایتیلگنلر سیر روشده آزادلیککه چیقاریلیب قیته جنگری طالبلر صفیگه قوشلگن لیگی ایتیلهدی.
عبدالله عبدالله، قوراللی طالبلر جهاد نامینی سوء استعمال قیلیب اوروش آلیب باریشلرینی جهاد ایمس بلکه "جنایت" دیگن. او، بوتون اهالیدن ترورچی گروه لرگه قرشی مبارزه ده بیر موضوع ده بویلیشلرنی سوره گن. مملکت جمهور رییس تینچ اهالینی قربان قیله دیگنلر افغانستان دشمنی دیگن.
ییغینده سوزلهگن مملکت جمهور رییسی محمد اشرفغنی، هیچ بیر زمان اوروش ایستهگی بولمهگن، لیکن، ترورچیلرنینگ فعالیتی دوام ایتگن حالده، افغان ملی کوچلری ایجابی جواب یبیره دیلر. امنیتی کوچلرنی تقدیرلهگن جمهور رییسغنی افغان ملی کوچلری قوراللی طالبلر ایمس بلکه منطقه جنگریلری برابریده اوروش قیلهدی.
بوندن 24 ییل آلدین عین کونده مجاهدلر سابق شوروی سونگی جبهه سینی سقوط بیریب، یشل بیرقنی جمهور رییسلیک سرایی و بوتون کابلده تیکله گنلر. بو مناسبت بیلن مملکت نینگ ایریم ولایتلری جمله دن پنجشیر، پروان، قندوز، بغلان و غزنیده نشانلنهدی.
