امیریکه قوشمه ایالتلرینینگ ملی خوفسیزلیک مصلحتچیسی هربرت ریموند مک مستر، تیزلیکده کابل کیلهدی.
اوتگن کون کیچ قورون آق سرایده ناتو کوچلری باش کاتبی ینس استولتنبرگ بیلن اوچرهشگن امیریکه جمهور رییسی دونالد ترامپنینگ ایتیشیچه، جناب مک مستر، یوتوقلرنی تیکشیریش اوچون افغانستان کیلهدی.
بو اوچرهشووده ترامپ، ناتو بیلن قوشمه ایش توغریسیده صحبت قیلیب و قیینچیلیکلردن اوتیش اوچون ینگی ییچیم یوللر تاپیلیشی اوستیگه تأکیدلگن.
اوشبو اوچرهشووده ناتو باش کاتبینینگ ایتیشیچه، حاضر بو تشکیلات افغانستانده اینگ کینگ حربی عملیاتنی یولگه قویگن.
امیریکه جمهور رییسی دونالد ترامپ، بیرینچی مرته ناتو کوچلری باش کاتبی بیلن اوچرهشگن.
ایتیلیشیچه، بو اوچرهشووده سوریه هوا قونالغهسی اوستیگه واشینگتن تامانیدن اویوشتیریلگن هجوم و دنیا ترورچیلریگه قرشی کورهش دوامی بحثگه آلینگن.
