بوگون نمایندهلر کینگشی مدافعه بیلن ایچکی ایشلر وزیرلری و ملی خوفسیزلیک باشلیغینی مملکتده یوز بیرگن سونگی واقعهلر توغریسیده جواب بیریش اوچون کینگشگه چقیرگن ایدی؛ بیراق ایچکی ایشلر وزیری دن باشقه مدافعه وزیری و ملی خوفسیزلیک باشلیغی بو ییغین گه حاضر بولمهگن.
نمایندهلر کینگشی اعضالریدن بیرینینگ پولیس کوچلری تشکیلاتی نیمه اوچون کوپهیتیریلمهیدی دیگن سوراغی گه جواب ایچکی ایشلر وزیری ویساحمد برمکنینگ ایتیشیچه، نظم عامه پولیسیدن 3 مینگ کیشی شامل ینگی تشکیل ریجهسی جمهورلیک ریاستی گه یوباریلگن و بو تشکیلات ایجاد ایتیلگن صورتده، اولردن حمایهوی شکلده فایدهلنهدی.
ایچکی ایشلر وزیرینینگ ایتیشیچه، نمایندهلرکنیگشی اعضالری اوچون ینگی نمبر پلیت توزهلهدی و بوندن سونگ اولر سابق پلیتلردن فایدهلنمهیدی.
جناب برمک گه کوره، جمهور رییسنینگ فرمانی اساسیده، نمایندهلرکینگشی اعضالری گه خذمتی شکلده بیریلگن ایچکی ایشلر وزیرلیگینینگ نقلیه واسطهلرینی بو وزیرلیککه قیتهدن تاپشیریشلری توغریسیده قرار قیلینگن.
نمایندهلر کینگشینینگ بوگونگی ییغینینی رهبرلیک قیلگن نماینده لرکینگشینینگ ایکینچی اورین باسری امیرخان یارنینگ ایتیشیچه، افغانستان اهالیسیگه تینچلیک نیاز و بو توغریده جدی شکلده دقت قیلینیشی لازم.
