.jpg)
ایرته افغانستانده تینچلیک تأمین ایتیلیش یوللری اوستیده روسیه، چین و پاکستان رسمیلری ییغین اوتکزیشلری ممکن، اما اوشبو ییغینده افغانستان حکومتی چقیریلمهگن.
نمایندهلر مجلسی افغانستان حکومتی اشتراک ایمسدن بو مملکتده تینچلیک اورنهتیش بارهسیده بولهدیگن هرقندهی اولتیریش کورینیب تورگن ایچکی ایشلرگه ارهلشیش دیدیلر.
کینگش باشلیغی عبدالرووف ابراهیمی بونقه خواطرلی اولتیریشلر دوام ایتگنده افغانستان حکومتی مسکودن وضاحت سوره سین دیب تأکید قیلهدی.
تشقی ایشلر وزیرلیگی سوزلاوچیسی نینگ اورین باسری شکیب مستغنی نینگ سلاموطندارگه مسکو اولتیریشیده افغانستان دولتی چقیریلمهگن و مذکور وزیرلیک ییغیننی آلگنلردن وضاحت تیلهگن دیدی. جناب مستغنی افغانستان امنیتی وضعیتی اوشبو مملکت رسمیلری بولمسدن تیکشیریلیشی سوراقلر توغدیرهدیگن.
تینچلیک یوکسک کینگشی مصلحتچیسی محمداسماعیل قاسمیار نینگ ایتیشیچه، اوشبو اوچ تامانلمه اولتیریشده مذکور کینگشدن کیشی چقیریلمهگن، بیراق بونقه اولتیریش افغانستانده تینچلیک اورنهتیلیشیگه یاردم بیرهدی دیب بیلهدی.
تحلیلچیلر افغانستانده تینچلیک اورنهتیش بارهسیده اوشبو مملکت رسمیلری بولمهگن حالده نتیجه سیز بولهدی دیب بیله دیلر.
سیاسی تحلیلچی اسحاق اتمرنینگ ایتیشیچه، مسکونی بونقه اولتیریشلری منطقه بویلب یوکسه لیش مسألهلر بارهسیده بولهدی و مسکو بیلن آشنگتن اورته سیدهگی رقابتلر تارلنیش دیب اورغولیدی.
بوسیاسی تحلیلچی اوشبو اولتیریشده افغانستان حکومتی چقیریلمه گنلیگینی حکومت نینگ دیپلماسی ضعیف لیگینی کورستهدی دیب بیلهدی.
حاضرگه قدر افغانستانده تینچلیک اورنهتیش بارهسیده کوپلب مملکتلرده اولتیریش بولیب اوتیدی، بیراق تحلیلچیلرگه کوره، بونقه اولتیریشلر اونچه لیک نتیجه بیرمهگن.
