افغانستان خلقی محور حزبی بوندن ایکّی کون آلدین سابق ملی امنیت ادارهسی نینگ باشلیغی رحمتالله نبیل و سابق ملی امنیت کینگشی نینگ مصلحتچیسی رنگیندادفر اسپنتا اشتراکیده موجودلیگینی اعلان قیلدی.
اوشبو حزبگه سابق حکومت نینگ قطار بلند مرتبهلی رسمیلری اعضالیک قیلهدی. بوندن نیچه هفته آلدین بلخ ولایتی نینگ والیسی عطامحمدنور، جمهور رییس بیرینچی اورین باسری جنرال عبدالرشید دوستم و اجراییه ریاستی نینگ ایکّینچی اورین باسری محمد محقق افغانستاننی قوتقدیریش ائتلاف کینگشینی تشکیل ایتگن ایدی.
جناب نور بوندن ایکّی کون اول (25- سرطان) ینگی ائتلافدن حمایت قیلیش مناسبتی بیلن بلخ ولایتیده اوتکزیلگن ییغینده حکومتنی جدی تنقید آستیگه آلیب، تدارکات کمیسیونینی رهبرلیک قیلهدیگن همده ییریک شرطنامهگه قول قوییه دیگنلر «اوغری» دیگن ایدی.
.jpg)
او، ملی بیرلیک حکومتیده استبداد اوجیگه چیققن و سیاسی قدرت ایسیه معین نیچه کیشی نینگ قولیدن دیگن اظهاراتنی تیلگه آلگن ایدی.
اما، جمهور رییسلیک سرایی تیزیمده بولیب حکومتنی تنقید قیلگنلر« توغریسی قیلگن تنقیدلری اوزلریگه قیتهدی» دیگن ایدی.
جمهور رییسلیک سرایی سوزلاوچیسینینگ سرپرستی شاهحسین مرتضوی سلاموطندارگه بیرگن صحبتده، مملکتده سیاسی ائتلافلر همده سیاسی حزبلر موجودلیگینی اعلان قیلیشی افغانستانده دموکراسی و سوز ایرکین لیگی حاکم ایکن لیگینی کورستهدی دیگن.
کابل بیلیم یورتی نینگ استادی فیضالله جلال، مملکتده سیاسی حزبلر همده ائتلافلر تشکیل بولیشی افغانستان ترقیاتی اوچون ییریک بیر آدیم حسابلنهدی دیگن.
باشقه بیر تحلیلچی یونس فکورنینگ تعبیریچه، سیاسی حزبلر و ائتلافلرنی تشکیل بولیشی مملکت خلقی ذهنی یاروتیلیشی اوچون مهم؛ اما، بوندهی سیاسی جریانلر کوپینچه حکومت لوازملریدن آلینگنلر شخصلر آرقهلی وجودگه کیلیشی اونچهلیک ایجابی ایمس دیگن.
