گلبدین حکمتیار رهبرلیگیدهگی اسلامی حزب رهبرلیک کینگشینینگ سابق اعضالریدن بیرینینگ ایتیشیچه، افغانستان حکومتی مخالف گروهلر بیلن بیردیک حرکت قیلمهیدی و برچه مخالف گروه بیلن بیردیک حرکت قیلیشی لازم.
افغانستان حکومتیگه قرشی حکمتیار اسلامی حزبی، تینچلیک سوزلشوولریده اشتراک ایتیش اوچون تینچلیک تورت تامانلمه اویغون گروهینینگ ایستهگینی رسمی شکلده قبول قیلگن بیرینچی گروه دیر.
مذکور حزبنینگ رهبرلیک کینگشی سابق اعضاسی قطبالدین هلال، اوتگن پنجشنبه کون، 12- حمل) کابلده اوتکزیلگن بیر خبری ییغینده ایتیشیچه، اسلامی حزب بوندن آلدین هم، تینچلیک خصوصیده افغانستان حکومتی بیلن مذاکره قیلگن، بیراق هیچ قچان تینچلیک عالی کینگشی بیلن بولگن سونگی سوزلشوولری دیک کیلیشووگه یقین لشمهگنلر.
جناب هلالنینگ ایتیشیچه، اسلامی حزب تینچلیک سوزلشوولریگه اشتراک ایتیش اوچون علاقه کورستگن و بو سوزلشوولر نتیجه بیریشی خصوصیده سعی و حرکت قیلهدی.
اونگه کوره، ایریم حل بولمهگن نرسهلر اوستیگه کیلیشیب و خلق اورتهسیده ایشانچ ایجاد ایتیش لازم. هلالنینگ کوپهیتیریشیچه، تینچلیک سوزلشوولریده کته مسئلهلر اوستیگه بحث اوتکزیش کیرهک.
شونینگدیک، تینچلیک عالی کینگشینینگ اورین باسرلریدن بیری مولوی عطاالرحمان سلیمنینگ ایتیشیچه، اوشبو کینگش ایکی مرته اسلامی حزب هیأتی بیلن اوچرهشیب اساسی مسئلهلر خصوصیده بحث اوتکزگن.
سلیمنینگ کوپهیتیریشیچه، کیلهجک هفته شنبه کون، اوچینچی مرته مذکور هیأت بیلن اوچرهشهدی و بو اوچرهشووده بولیملر اوستیگه بحث قیلهدی.
شوندهی بیرحالده، کابل بوییچه اسلامآباد ایلچیسی ابرارحسین و افغانستان تشقی ایشلر وزیری صلاحالدین ربانی، اوتگن (پنجشنبه کون) کابلده پاکستان تشکیلاتیدن نشانلش مراسمیده، ینه بیر بار تروریستلرگه قرشی اویغونلیکده کورهشیش و اویغون منفعتلر تأمین ایتیلیشی اوستیگه تأکید قیلگنلر.
