بوگون "جمعه" نمایندهلر کینگشی نینگ 17- دوری، ملی بیرلیک حکومتینینگ اجرایی باشلیغی عبدالله عبدالله، سیاسی حزبلر نمایندهلری و کابینه اعضالرینینگ حضوری بیلن جمهور رئیس محمداشرف غنی تامانیدن رسمی شکلده آچیلدی.
نمایندهلر کینگشی موقت باشلیغی نینگ بو مراسمده ایتیشیچه، حکومت تینچلیکنی اولویتگه قرار بیرسین و رمضان مبارک آیده طالبان گروهی و حکومت آتیشکیسین اعلان قیلسین.
جمهور رئیس محمد اشرف غنی نینگ بو مراسمده ایتیشیچه، حکومت تینچلیک ریجهسینی منظم شکلده ارایه قیلگن و بو ریجه اساسیده هیچقندی معامله صورت تاپمهیدی و تینچلیک لایحهسیده پارلمان نینگ نظری اونملی دیر.
جمهور رییس سوزلری دوامیده ایتیشیچه، جمهورلیک ریاستی سیلاوی یولگه قوییلگن گهقدر جمهور رییس دیر و جمهورلیک نظام نینگ دوام تاپیشی اوستیگه تاکید قیلیب کوپهیتیریشیچه، «بو ملت عزتگه سزاوار دیر. هر مرته صفردن باشلش ذلت دیر.» اونینگ ایتیشیچه، بو ملت دشمنگه تسلیم بولمهیدی و ذلتنی قبول قیلمهیدی.
جمهور رئیس محمداشرف غنینینگ ایتیشیچه، ابهام، شک و یمان فکر قیلیش بیلن اساسی قانونی تضعیف قیلیشنی ایستهگنلر، « عصاینچی ییقینیده دیر، بیراق اولر بیلمهیدیکه بو نرم عصیان ملتگه قنچه زیان ییتیشتیرهدی. مین بو تربیون آرقهلی ایتهمن که عصیان زمانی یکونلنگن.»
قانون گه کوره، نمایندهلر کینگشینینگ 17- دورینی اوتگن ییل حوت آیده آچیلیشی کیرهک ایدی، بیراق بو کینگش ایکی آی کینگه قالیش بیلن آچیلدی.
