بوگون (سهشنبه) هلمند والیسی میرزاخان رحیمی اوز مقامیدن استعفابیردی. جناب رحیمی 8 آی آلدین هلمند والیسی حیثیده تعین ایتیلگن ایدی. اوندن آلدین کابل غزنی ولایتلری امنیت رییسی بولیب ایش قیلیب کیلماقده ایدی.
رحیمی هلمند ولایتی نینگ امنیتی وضعیتیگه اوزگریش کیلمهگنلیگی سبب استعفا بیرگن و طالبلر ایسه ولایت نینگ شمالی تومنلرینی آلیشی بیلن جنوبی تومنلرگه هم تشبث قیلگن.
میرزاخان رحیمینینگ سلاموطندار بیلن قیلگن صحبتده بوخبرنی تأیید قیلگن، اما بوگون آقشام کیش قورونده رسانهلرگه مسألهنی شریک قیلیشی ممکن.
جناب رحیمی یقینلریدن بیرینینگ سلاموطندارگه ایتیشیچه، هلمند والیسیدن جمهور رییس استعفا قیلیش و مذکور ولایتگه باشقه سفر قیلمسلیگینی سورهگن.
سونگی نیچه کون مابینیده دولت بلند مرتبهلی رسمیلری جملهدن ایرکین سیلاو کمیسیون باشلیغی یوسف نورستانی، کانلر و پترولیم وزیری داوودشاه صبا اوز مقاملریدن استعفا بیردی، اما حاضرگه قدر بو موضوع رسمی شکلده اعلام بولمهگن.
