بوگون «چهارشنبه» کابلده خبری بیر ییغینده نطق سوزلهگن تینچلیک عالی کینگشینینگ دبیرخانه باشلیغی و تینچلیک ایشلری بوییچه جمهور رئیسنینگ خاص نمایندهسی عمر داوودزینینگ ایتیشیچه، حکومت تینچلیک توغریسیده ایجاد ایتیلگن بورد صلاحیتلری مصلحتی ایمس، بلکیم قرار قیلووچی بولیشینی نظرگه آلگن و سوزلشوو تیمی مذکور بورد گه جواب بیرهدی.
داوودزی گه کوره، تینچلیک سوزلشوولری گه طالبان گروهی تارتیلیشی اوچون دنیا سعی و حرکتلری باشلنگن و آمریکا بو گروه نی مذاکره میزی گ حاضر قیلیش اوچون سعی و حرکت قیلهدی.
تینچلیک عالی کینگشینی دبیرخانه باشلیغینینگ ایتیشیچه، اوشبو سعی و حرکتلرگه علاوه منطقه مملکتلریدن بیرقطاری، منطقهیی کیلیشوونی باشلهگن و افغانستان حکومتی هم بو ایشنی ایچیده دیر و بیرینچی سفرینی پاکستاندن باشلهیدی.
عین حالده، مدنی ادارهلردن بیرقطارینینگ مسؤوللرینی ایتیشیچه، طالبان گروهی بیلن بولهدیگن سوزلشوولر افغانستان حکومتینینگ آدرسیدن بولیشی کیرهک.
مدنی ادارهلرنی مسؤوللری گه کوره، طالبلر بیلن بولگن تینچلیک سوزلشوولری آمریکا یا-ده باشقه مملکتلر تامانیدن بولگن صورتده، ایجابی نتیجه بیرمهیدی.
شونینگدیک، نمایندهلر کینگشی بوگونکی ییغینیده، تینچلیک توغریسیده بیر اعلامیه صادر قیلدی.
نمایندهلر کینگشینینگ اعلامیهسیده کیلیشیچه، تینچلیک مذاکرهسی خصوصیده افغانستان حکومتی قرار قیلیشی کیرهک و باشقه هیچ بیر مملکت افغانستان حکومتیدن نمایندهلیک قیله آلمهیدی.
نمایندهلر کینگشی اعلامیهسیگه کوره، تینچلیک موضوعی مدنی ادارهلر، سیاسی حزبلر و باشقه قوریلمهلر افغانستان حکومتیدن حمایت قیلینیشی کیرهک.
افغانستان حکومتی، دنیا جماعهچیلیگی و شونینگدیک، آمریکا طالبان گروهینی تینچلیک مذاکره میزی اوستیگه حاضر قیلیش اوچون سعی و حرکت قیلهدیلر؛ بیراق طالبان گروهی هردایم افغانستان حکومتی بیلن ایرکین شکلده مذاکره قیلمهسینی بیلدیرگن.
