افغانستانده شفاف سیلاو اوتکزیش ایشلری بیلن مشغول «تیفا» بنیادینینگ مسووللری، قولگه کیریتگن حجتلریده سیلاولر کمیسیونی نینگ ایشلریگه حکومت ارهلهشیشی معلوم بولهدی دیدیلر. اولر، حکومتنی سیلاولر مستقل کمیسیونی نینگ ایشلریگه ارهلشمسلیگی توغریسیده آگاهلنتیرگنلر. حکومت بو ایشدن قول کوتارمهگن حالده، موجود حجتلرنی فاش قیلیشلری ممکن.
افغانستانده شفاف سیلاو اوتکزیلیش بنیادی «تیفا» نینگ باشلیغی محمد نعیم ایوبزاده، بوگون (یکشنبه) خبری بیر ییغینده، خلق ایستهگی اساسیده کمیسیونلرگه اصلاحات کیریتیش اوچون ایکّی ییلدن بیری حکومت عملده هیچ بیر ایش قیلمه دیگن. مملکت خلقی حکومتدن بو توغریده صادقلیک بیلن ایش کوریشنی سورهیدی دیدی جناب ایوبزاده.
جناب ایوبزاده، تیفا حکومت نینگ کمیسیونگه ارهلهشیشینی اثباتلاووچی ییترلی حجت قولگه کیریتگن لیگی توغریسیده تاکید قیلگن. او، حکومت بوساحهده اوزیگه اصلاحات کیلتیرمه تقدیرده، مذکور حجتلرنی فاش قیلیشی خصوصیده آگاهلنتیرگن.
اونینگ تعبیریچه، کیلگوسی سیلاولر افغانستانلیکلر اوچون ایجابی بیر آدیم سنلهدی، اما حکومت بو لایحهگه ارهلهشیش بیلن بو جریاننی سوال آستیگه آلیشگه سعی وحرکت قیلهدی.
بیراق، سیلاولر مستقل کمیسیونی نینگ باشلیغی نجیبالله احمدزی، سیلاولر کمیسیونی مسقتل دیر و هیچ کیمگه بو کمیسیون ایشلریگه ارهلهشیش اوچون رخصت بیریلمهیدی دیگن. اونینگ سوزلریگه قرهگنده، سیلاولر اوتکزیلیشی اوچون اساسی ایشلر عملی بولگن و بونینگ یانیده افغانستاندهگی ایریم ادارهلر کمیسیون ایشلرینی کوزهتیب بارهدی.
سیلاولر مستقل کمیسیونی نینگ باشلیغی، بو کمیسیون نینگ اینگ معقول ایشلریدن بولیمش سیلاولر حوزهوی تیزیم لایحهسی جمهور رییسلیک سراییگه یوباریگن لیگگه اشاره قیلگن. شونینگ دیک او، حکومتدن تکلیف ایتیلگن شخصلر رویخطیدن سیلاولر کمیسیونی کاتبلیگینی تانیشتیریشنی سورهگن.
سیلاولر شکایتلرینی تینگلش کمیسیون نینگ مسووللری، پارلمانی و تومنلر کینگش سیلاولر اوتکزیلیشی مملکتده دموکراسی اوچون سونگی سیناو حسابلنهدی دیدیلر. سیلاولر مستقل کمیسیونی نینگ مستقللیگی سقلهنیشی اوستیده تاکید قیلگن مسووللر.
