افغانستان بوییچه تینچلیک سوزلشوولرینی 7- دوری باشلهنیش زمانی حاضرگچه بیللی بولمهگن، بیراق ایش بیلرمانلرنینگ ایشانچی گه کوره، 7- دورده 6- دور بحثلری دوام ایتیشی ممکن.
سیاسی ایش بیلرمان و طالبان گروهی نینگ سابق رسمیلریدن بیری وحید مژده نینگ ایتیشیچه، تینچلیک سوزلشوولرینی 7- دوری ده 6- دور بحثلری دوام ایتیشی ممکن، چونکه تینچلیک سوزلشوولرینی 6- دوری نتیجهسیز یکونلنگن.
شونینگدیک، طالبان گروهی نینگ سابق رسمیلریدن باشقه بیری مولوی قلمالدین نینگ ایتیشیچه، تینچلیک سوزلشوولرینی 7- دوری ده چیتایللیک کوچلرنینگ چیقیش زمانبندلیگی اوستیگه بحث قیلینهدی.
اونینگ کوپهیتیریشیچه، مملکتدن چیتایللیک کوچلرنینگ چیقیش تأریخی بیللی بولگونگهقدر، تینچلیک تأمینلنمهیدی.
عین حالده، افغانستان بوییچه قوتقریش کینگش اعضاسی سیداکبر آغانینگ ایتیشیچه، تینچلیک سوزلشوولریده افغانستاندن چیتایللیک کوچلرنینگ چقیشی طالبان گروهی اوچون بیرینچی موضوع بولگن و بو موضوع اوستیگه کیلیشگونگهقدر، آتیشکیسین و سوز ایرکینلیگی خصوصیده بحث باشلنمهیدی.
سیداکبر آغانینگ کوپهیتیریشیچه، تینچلیک سوزلشوولری چیتایللیکلر سوزلشوولریده صادق بولیب و بیرگن سوزلرینی عمل گه آشیرگن حالده نتیجه بیرهدی.
اوشبو موضوع توغریسیده جمهورلیک ریاستی فکرینی اورگهنیش اوچون علاقه قوردیک، بیراق جمهورلیک ریاستی بو توغریده فکر بیلدیریش دن باش تارتدی. اجراییه ریاستی و تینچلیک عالی کینگشی تکراری قونغیراقلریمیزگه جواب بیرمهدیلر.
ایتیش کیرهک کیم، افغانستان تینچلیک لایحهسی بوییچه آمریکانینگ خاص نمایندهسی زلمی خلیلزاد، حاضرگچه قطر باشکینتی دوحه ده طالبان گروهی نینگ نمایندهلری بیلن 6 مرته اوچرهشیب بحث اوتکزگن.
شو توغریده…
«تینچلیک سوزلشوولریده افغانستان حکومتی نینگ اورنی برجسته بولهدی»
