مملکت سابق جمهوررئیسی حامد کرزی، آتی ملی مصالحه عالی کینگش نینگ رویخطی گه آلینگنی گه عکسالعمل بیلدیریب ایتیشیچه «هیچ بیر دولت نینگ تشکیلی گه سهم آلمهیدی.»
نیچه ساعت آلدین جناب کرزی نینگ آدرسیدن نشر ایتیلگن اعلامیه گه کیلیشیچه، او یالغیز بیر یشاوچی صفتیده تینچلیک برقرار ایتیلیشی خصوصیده سعی و حرکت قیلهدی.
بو اعلامیه نشر ایتیلگن بیر حالده، اوتگن کون کیچ قورون مملکت جمهوررئیسی محمداشرف غنی بیر بویروغ آرقهلی ملی مصالحه عالی کینگشی نینگ اعضالری و رهبرلیک هیأتی نی تعیین قیلدی.
بو بویروغ ده حامد کرزی دن مذکور کینگش اعضاسی صفتیده ایسلنگن.
ارگ تامانیدن نشر قیلینگن رویخط ده ۴۶ کیشی رهبرلیک هیأتی، دولت عالی کینگشی و ملی مصالحه عالی کینگش اعضاسی صفتیده تعیین ایتیلگن.
ارگ حامد کرزی، عبدالرب رسول سیاف، گلبدین حکمتیار، محمدکریم خلیلی، محمد محقق، مارشال عبدالرشید دوستم، محمدیونس قانونی، صلاحالدین ربانی، اسماعیل خان، عطامحمدنور، حامد گیلانی، ذبیحالله مجددی، منصور نادری، عنایتالله شهرانی، انجینیر محمدخان، عالملر کینگش باشلیغی، اسماعیل غضنفر، صادق مدبر، خدایداد صالح، صفیه صدیقی، ماری اکرمی، نجیبه ایوبی، ضیاگل رضایی، عالیه یلماز، زرقا یفتلی، فریده مومند و نسرین اوریاخیل دن مذکور کینگش اعضالری صفتیده ایسلهگن.
