افغانستان جمهور رییس سوزلاوچیسی اورین باسری نجیب آزاد، وظیفهسیدن چیکلندی. جناب آزادگه کوره، میدیاگه معلومات بیریشده چیکلاولر تعیین ایتیلگنی باعث، وظیفهسیدن چیکلنگن.
آزادنینگ ایتیشیچه، جمهورلیک ریاستیده 9 آیلیک ایشی دوامیده سوراقلی فعالیتلرگه گواه بولگن و بو موضوع باعث، وظیفهسیدن چیکلنگن. اونینگ کوپهیتیریشیچه، جمهورلیک سراییده کیچیک بیر تشکیلات ایش بیلهدیگن کیشیلرنی صحنهدن چیقارهدیلر.
شونینگدیک، نجیب آزاد سوزلری جریانیده ملی بیرلیک حکومت یوتوقلرینی هدف قرار بیریش اوچون سعی و حرکت قیلهدیگن کیشیلردن ایسلهیدی. اونینگ کوپهیتیریشیچه، بیر آی آلدین استعفاءسینی یازگن، بیراق شو کیشیلرنینگ قرشیلیگی باعث، حاضرگچه استعفاءسی جمهور رییسگه ییتیشمهگن.
جمهور رییس سوزلاوچیسینینگ اورین باسرلیگیدن چیکلنگن نجیب آزادگه کوره، جمهورلیک سراییده علاقه حاکم و شایسته سالارلیک کیچیک تشکیلات تامانیدن نقض ایتیلهدی.
عین حالده، جناب آزادنینگ خبری ییغینیده آلدین، جمهورلیک ریاستی مطبوعات دفتری سرپرستی شاهحسین مرتضوی، اوز فیسبوک صحیفهسیده نجیب آزاد، اوزاق مدت وظیفهسیگه کیلمهگنی سبب، وظیفهسیدن چیکلنتیریلگن.
شونینگدیک، بوگون خبری بیر ییغین اوتکزگن افغانستان ایرکین میدیالریدن حمایه قیلووچی تشکیلات (نی) دفتری، خبرچیلر توغری معلوماتگه قول تاپه آلمهگنیدن خواطر بیلدیریب ایتیشیچه، معلوماتگه قول تاپیشده چیکلاولر تعیین ایتیلیشی دولت حیثیتی و ایشانچیگه زیان ییتکیزهدی.
(نی) دفتری اجراییه باشلیغی عبدالمجیب خلوتگرنینگ ایتیشیچه، خبرچیلر توپلم شکلده توغری معلوماتگه قول تاپه آلمهیدیلر و ترورچیلیک واقعهلر و بو واقعهلردن کوتریلگن قربانلیک رقملریگه قول تاپمهیدیلر.
افغانستان ایرکین میدیالریدن حمایه قیلووچی دفتری اجراییه باشلیغینینگ کوپهیتیریشیچه، معلوماتگه قول تاپیش یشاوچیلرنینگ اساسی حقوقی دیر و افغانستان اساسی قانونی بو حقنی یشاوچیلر اوچون رسمیتگه تانیگن: «مملکت اساسی قانونینینگ 50- مادهسیده کیلیشیچه، افغانستان اهالیسی قانون حکمی اساسیده، دولتی ادارهلریدن معلوماتگه قول تاپیشده حقلی دیر.»
بیراق، مملکت میدیالری و خبرچیلری، حاضرگچه معلوماتگه قول تاپه آلمهسیدن خواطر بیلدیریب ایتیشیچه، ملی بیرلیک حکومت تشکیل ایتیلگنیدن بویان، خبرچیلر توغری معلوماتگه قول تاپه آلمهیدیلر.
