پ
افغانستان سنا مجلسینینگ اعضالری بوگون (سهشنبه) مجلسنینگ عمومی ییغینیده جمهور رییس غنینینگ سیلاولر تیزیمیگه اصلاحات کیریتیش اوچون صادر قیلگن تقنینی فرمانینی کوپچیلیک آواز بیلن تصدیق ایتدیلر. اوشبو فرمان بوندن ایکِی هفته آلدین پارلمان اعضالری تامانیدن رد ایتیلگن ایدی. سنا مجلسی نینگ بعضی مادهلریگه اوزگریش کیریتگندن کیین تصدیقلهگنلر.
جمهور رییسنینگ فرمانیده سیلاولر مستقل کمیسیون باشلیغینینگ ایش مدتی 30 آی، کمیسیون کاتبی و اورین باسرینینگ ایش مدتی بیر ییل قید ایتیلگن؛ اما، سنا بو مدتنی اوچ ییلگه کوپیتیرگن.
شونینگدیک سنا مجلسی فرمانگه کیریتگن اوزگریشگه «سیلاولر شکایتلرنی تینگلش مستقل کمسیون» دن مستقل سوزی، سیلاولردهگی چیت ایللیک ایکّی کوزهتوچی، سیلاوچیلر رویخطی تیارلهنیشی کبی موضوعلرنی چیقاریب تشلهگنلر.
جمهور رییسنینگ تقنینی فرمانی افغانستانلیک سناتورلر تامانیدن تصدیق ایتیلگندن کیین، فرماننینگ تقدیری معلوم بولیشی اوچون پارلمان و سنا مجلس اعضالری بیر قوشیمچه بیر کمیته تشکل ایتلیشی کوتیلهدی.
سناتورلرنینگ بیر قنچهسی پارلمان همده تومنلر کینگشی سیلاولری اوتکزیلیشی اوچون اوشبو فرمان تصدیق ایتیلیشینی خوش قرشیلهگنلر.
مجلس نینگ اعضالریدن بیری دکتر فیصل سمیع، دنیا جماعهچیلیگی رضایتینی کسب قیلیش اوچون سیلاولر تیزیمیگه اصلاحات کیریش حمتی و ضروری دیدی. او، جمهور رییسنینگ فرمانی تصدیق ایتیلیشی بونگه کته کومک قیلهدی دیگن.
مجلسنینگ باشقه بیر اعضاسی محمد رحیم حسینارگه کوره، تشکیل ایتیلهجک قوشمه کمیسیون تامانیدن بو فرمان تقدیری انیقلهنیشی سیلاولر تیزلیکده اوتکزیلیشیگه کومک قلمیدی. جناب حسینار، ملی بیرلیک حکومتینینگ رهبرلری سیلاولر کمیسیونلری کمیشنرلری تعین ایتیلیشی اوچون ینه 6 اوز ارهلریگه کیلیشه آلمیدیلر دیدی.
ملی بیرلیک حکومتی ایجاد ایتیلیشی اوچون امضالنگن شرطنامهنینگ اصلی مادهلریدن بیری سیلاولر کمیسیونلریگه اصلاحات کیریتیش ایدی. ملی بیرلیک حکومتی کمیسیونگه اصلاحات کیریتمهگن تقدیرده، دنیا همجمتی پارلمان همده تومنلر کینگشی سیلاولری اوتکزیلیشینی حمایت قیلمسلیگی ممکن.
