مملکت اجرایی ریاستی تشقی ایشلر وزیرلیگی سوزلاوچیسی جمهوررئیس تامانیدن چیکلنتیریلگنی توغریسیده عکسالعمل بیلدیریب ایتیشیچه، صبغت احمدی تینچلیک پروسهسیدن حمایت بیلدیریب تشقی ایشلر وزیرلیگی موقفی نی اعلام قیلگن و او، سیلالر نهایی نتیجهسی اعلام ایتیلگونگه قدر ایشی گه دوام بیرهدی.
اجرایی ریاستی بیر اعلامیه ترقهتیب یازیشیچه «بو وقتده هر قندهی انتصابلر و چیکلنتیریشلر سیلاولر گه تیگیشلی کورینهدی.»
اوتگن کون «یکشنبه» جمهورلیک ریاستی تشقی ایشلر وزیرلیگی سوزلاوچیسی صبغت احمدی، طالبلرنینگ پاکستان تامان قیلگن سفری توغریسیده بیرگن بیاناتی اوچون ایشدن آلینگنینی اعلام قیلدی.
جمهورلیک ریاستی نینگ خبرنامهسیده کیلیشیچه، ترکمنستان بوییچه افغانستان سابق مصلحتچیسی میرویس ناب تشقی ایشلر وزیرلیگی سوزلاچیسی دفتریدن سرپرستلیک قیلشیی ممکن.
جناب ناب ینگیلیکده تشقی ایشلر وزیرلیگی نینگ اقتصادی همکارلیکلر معینی صفتیده تعیین ایتیلگن.
شو توغریده:
- ارگ: هیچ بیر اداره جمهور رئیس نینگ حکمی گه توسیق بوله آلمهیدی
ارگ بویروغی سیپدار تامانیدن تعلیق قیلینگن
صبغت احمدی اوتگن هفته طالبان هیأتی نینگ پاکستاندهگی سونگی سفری توغریسیده ایتیگن ایدی کیم افغانستان تشقی ایشلر وزیرلیگی پاکستان نینگ افغانستان تینچلیگی خصوصیده قیلگن سعی و حرکتلری و طالبان گروهیدن میزبانلیک قیگلنیدن خرسندلیک بیلدیرهدی. بیراق بوندن آلدین جمهوررئیسلیک سرایی طالبان گروهی پاکستان آرقلی میزبانلیک قیلینگنیدن تنقید قیلیب ایتگن ایدی کیم، بو ایش ایکی مملکت آرهسیدهگی برچه اصوللرگه قرشی دیر.
شونینگدیک تشقی ایشلر وزیرلیگی سیاسی معینی ادریس زمان (13- میزان شنبه کونی) جناب احمدی نینگ بیاناتی تشقی ایشلر وزیرلیگی نمایندهلیگیدن ایمس بلکیم او کیشی نینگ شخصی فکری دیگن ایدی.
عین حالده، اوتگن آی اجرایی باشلیغی عبدالله عبدالله تشقی ایشلر وزیرلیگی تیکشیریلیشی خصوصیدهگی جمهوررئیس بویروغی نی رد قیلگن ایدی.
