امنیتی و مدافعهوی کوچلر منصبدارلرینی تعیین قیلیش نظارت عالی بوردی نینگ رییسی و امنیتی ادارهلرگه اصلاحات کیریتیش بوییچه دولت نینگ وزیری امرالله صالح لوازمیدن استعفا بیردی.
جناب امرالله صالحگه یقین منبعلرنینگ سلاموطندارگه بیرگن معلوماتده جناب صالح نینگ استعفا بیرگن لیگینی تصدیق بولگن. منبع، جناب صالح تیز آره ده استعفاسینی خلق بیلن شریک قیلهدی دیگن.
شونینگدیک جناب صالح نینگ فیس بوک صحیفهسیگه یازیشیچه: «هر بیرینگیزنینگ ذهنیگیزده تورلی سوراقلر تاپیلیشینی بیلهمن؛ اما، ملی مهم مصلحتلر همده امنیتی سرلرگه حرمت قیلیشنی نظرده توتگن حالده بو توغریدهگی قرارنی تیزلیک بیلن برچهلرینگیزگه شریک ایتهمن»
بو توغریده جمهور رییسلیک سرایی فکرینی اورگهنیش اوچون آلیب بارگن سعی وحرکتیمیز نتیجه بیرمهدی.
