اوتگن هفته جمهور رییسلیک بیرینچی اورین باسری و افغانستان ملی اسلامی جنبش حزبینینگ اساسچیسی جنرال عبدالرشید دوستم، وحدت اسلامی مردم افغانستان حزبینینگ باشلیغی و اجراییه ریاست ایکینچی اورین باسری محمد محقق، بلخ والیسی و جمعیت اسلامی حزبینینگ اجراییه باشلیغی عطامحمد نور و تشقی ایشلر وزیری صلاحالدین ربانیلر «افغانستاننی قوتریش ایتلافی» نی تورکیهده ایجاد ایتگنی کوپلب انتقادلر بیلن بیرگه بولدی.
مجلس اعضالریدن بیر قطاری بوگون (دوشنبه) عمومی ییغینده ینگی ایجاد ایتیلگن ایتلافنی قارهلب بونقه ایتلافلر مملکت سیاسی قیینچیلیکلریگه آرتیرهدی دیگنلر.
مجلس اعضاسی صاحب خاننینگ ایتیشیچه، بونقه ایتلافلر شخصی منفعتلرنی تأمین ایتیش اوچون بولهدی و مملکت قیینچیلکلرینی حل ایتالمهیدی.
مجلسنینگ باشقه بیر اعضاسی حمیده احمدزی هم بونقه ایتلافلر حکومت نی بحران تامان آلیب بارهدی دیب تأکید قیلهدی.
مجلسنینگ بیرینچی اورین باسری همایون همایوننینگ ایتیشیچه، افغانستاننی قوتریش ایتلافی جمهور رییسنینگ ضعیف مدیریتیگه قرهته ایجاد ایتیلگن و مملکتده بونقه ایتلافلر ایجاد ایتیلیشی گه مخالفت قیلینمهسیگه تأکید قیلهدی.
اوتگن کون هم سنا کینگشی بو ایتلافنی اساسی قانون و نظامگه قرشی ایجاد تیلگن دیب عنوان قیلگن ایدیلر.
شو سونگیده جمهورلیک سرایی قدرتنی اوزیگه چیکلنتیریب آلگنلیگینی قارهلب، حزبلر باشلیغلری خبری ییغین آلیب ارگنی انتقاد قیلردیلر.
