سیلاولر ایرکین کمیسیونی، سیلاولر قانونیگه اصلاحات کیریتیلیشی اوچون حکومت تامانیدن تکلیف ایتیلگن ریجه توغریسیده بیر اعلامیه صادر قیلیب عکسالعمل بیلدیرگن.
سیلاولر ایرکین کمیسیونینینگ اعلامیهسیگه کوره، جمهورلیک ریاستی سیلاوینینگ نامزدلرینی آتلری رویخط گه آلینگن بیر چاغده حکومت تامانیدن سیلاو قانونیگه اصلاحات کیریتیش، سیلاولرده ساختهکارلیک زمینهسینی یرهتیش دیر.
سیلاولر ایرکین کمیسیونینینگ مذکور اعلامیه آرقهلی ایتیشیچه، سیلاو قانونیگه اصلاحات کیریتیلیش جریانیده بو کمیسیون حضور تاپمهگن و اوشبو کمیسیون تامانیدن هیچقندی رسمی ریجه بیریلمهگن و سیلاو قانونیگه اصلاحات کیرتیشدن مقصد، جمهورلیک ریاستی سیلاوینی کینگه تشلش دیر.
شونینگدیک، افغانستان سیلاولرینی کوزهتیش شفافیت ادارهسی یا-ده تیفا مسووللرینینگ کابلده بیر خبری ییغین آرقهلی ایتیشیچه، سیلاو قانونیگه اصلاحات کیریتیلیش سیاسی و حکومتی دیر و اوشبو ریجهگه جمهور رییسنینگ صلاحیتلری کوپراق بولیشی اوچون سعی و حرکت قیلینگن.
تیفا باشلیغی نعیم ایوبزاده نینگ ایتیشیچه، سیلاو قانونیگه سیاسی اصلاحات کیریتیلیش سیلاو تینیقلیگیگه ایجابی تاثیر قویمهیدی.
عینحالده، جمهورلیک ریاستی سوزلاوچیسینی اورین باسری شاهحسین مرتضوینینگ ایتیشیچه، نامزدلر، سیاسی حزبلر و مدنی نهادلر بیلن 20 دن آرتیق ییغین صورت تاپگنیدن سونگ سیلاو قانونیگه اصلاحات کیریتیلیش ریجه تیارلنگن و اوشبو ریجهده مدنی نهادلرنینگ پیشنهادی نظرگه آلینگن.
جمهورلیک ریاستی سوزلاوچیسینینگ اورین باسریگه کوره، نامزدلر و سیاسی حزبلر نمایندهلری شامل بولگن کمیته جمهورلیک ریاستینینگ ایکینچی اورین باسری سرور دانشنینگ ریاستیده مذکور ریجه اوستیگه ایشلهیدی و تیزلیک نهایی ایتیلهدی.
ایتیلیشیچه، سیلاو قانونیگه اصلاحات کیریتیلیش ریجه مقدمهسی حکومت تامانیدن تیارلنگن و جمهورلیک ریاستی باشقه نامزدلرینینگ فکرینی آلیش اوچون سعی و حرکتلرنینگ دوامی بار.
