افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزادنینگ ایتیشیچه، مملکتی طالبان بیلن کیلیشگنده هم، افغان خوفسیزلیک کوچلریدن حمایت قیلهدی.
بوگون «دوشنبه» جناب خلیلزاد توییتریده یازیشیچه، «کیمسه ریکلاملر و مِش-مِشلرگه الدهنمهسین. رخصت بیرینگ آچیلهیین: بیراق افغان خوفسیزلیک کوچلریدن حاضر و طالبان بیلن کیلیشگنده هم مدافعه قیلهمیز. سوزلشوو تامانلری نینگ توپلم نظری اساسیده، افغانستان کیلهجگی افغانستانلیکلر ارا سوزلشووده بیللی بولهدی.»
عین حالده، سیاسی ایش بیلرمانلردن بیرقطاری، سیاسی و امنیتی وضعیت چیگللیگی نی آمریکا و طالبان آرهسیده تینچلیک کیلیشووی تیزلیککه امضاءلنمهگنی گه دیب بیلهدیلر.
آمریکا و طالبان آرهسیدهگی تینچلیک سوزلشوولری 9- دور گه کیردی، بیراق حاضرگهقدر ایکی تامان آرهسیده بولگن سونگی کیلیشوودن هیچ بیر خبر یوق دیر. هر بیر دور سوزلشوو جریانیده، آمریکا وطالبان آرهسیده سونگی کیلیشوودن میدیالرده خبرلر نشر قیلینهدی، بیراق بیر مدت اوتگنیدن سونگ، بو خبرلر سوزلشوو تامانلری طرفیدن رد ایتیلهدی.
حربی ایش بیلرمانلردن بیری میرزا محمد یارمندنینگ ایشانچی گه کوره، استخباراتی و سیاسی وضعیت چیگللیگی گه قرهگنده، تینچلیک سوزلشوولری اوچون 9 دور ییترلی ایمس دیر و تینچلیک کیلیشووی گه ایریشیش اوچون کوپراق زمان کیرهک.
جناب یارمندگه کوره، افغانستان توزومی ده طالبان قوشیلیشی و شونینگدیک، کیلیشوونامه تطبیق ایتیلیشی خصوصیده، اوزون زمان لازم.
اوشبو حربی ایش بیلرمان نینگ کوپهیتیریشیچه، آمریکاییلیکلر سوزلشوولرگه استخبارات و متخصص کیشیلرنینگ نظریدن قرهیدی و بو سوزلشوولرده بیان ایتیلگن هر بیر سوز تیکشیریلیب و تحلیل قیلینهدی.
طالبان گه یقین منبعلردن بیری و سیاسی ایش بیلرمان وحید مژده نینگ سلاموطندارگه ایتیشیچه، آمریکا و طالبان آرهسیدهگی تینچلیک سوزلشوولری تخنیکی باسقیچ گه کیرگن و ایکی تامان آمریکا کوچلری نینگ چیقیش طریقهسی اوستیگه بحث قیلهدی.
جناب مژده گه کوره، آمریکا و طالبان آرهسیده تینچلیک کیلیشوونامهسی امضاءلنمهگن سببی، افغانستان امنیتی کوچلری بیلن آمریکا همکارلیکلری کیسیلیشی خصوصیده، طالبان گروهی نینگ باسیمی دیگن. اونینگ ایتیشیچه، بو ایش آمریکاییلیکلر اوچون امکانسیز دیر.
جناب مژده نینگ کوپهیتیریشیچه، طالبان گروهی تینچلیک کیلیشوویدن سونگ، آمریکاییلیکلرنینگ حضوری و داعش گروهی کته قیلینیشی دن خواطرده دیر.
عین حالده، آمریکا آوازی بیلن صحبت اوتکزگن ملی خوفسیزلیک کینگشی مصلحتچیسی حمدالله محب، قطر سوزلشوولرینی دستلبکی باسقیچ ده بیر جریان بیلیب و ایتیشیچه، بو سوزلشوولرده کیچیک مسئلهلر بحث گه آلینگن.
جناب محب گه کوره، اصلی سوزلشوولر افغانستانلیکلر ارا سوزلشوولر باشلنگنیده باشلنهدی و تینچلیک کیلیشوونامهسی سیلاو یولگه قوییلیشیدن آلدین امضاءلنمهیدی.
شو توغریده…
آمریکا و طالبان نمایندهلری آرهسیده بولگن سوزلشوولرنینگ 9- دوری باشلندی
