جمهور رییس غنینینگ ایتیشیچه، قوشنی مملکتلر بیلن یخشی علاقه باغلش ملی منفعتلرنی مستحکم لشتیریش لایحهسینی بیر بولیمی دیر؛ و دولتلر منفعتلری اساسیده، اونی ایلگری آلیب بارهدی.
بوگون (20- قوس) آسیا یورهگی ییغینی یوتوقلری خصوصیده، گزارش بیریش اوچون اوتکزیلگن ییغینده جناب غنینینگ ایتیشیچه، قوشنی مملکتلر اینیقسه پاکستان بیلن یالغیز ایشانچ و شونینگدیک ایشانچسیزلیک سیاستنی ایلگری آلیب باریش هیچ بیر نتیجه بیرمهیدی و ملی بیرلیک حکومتی بو موضوعنی درک قیلیب، هردایم پاکستان ارا بولگن علاقه اورته بولیشی خصوصیده سعی و حرکت قیلگن.
جمهور رییسنینگ ایتیشیچه، پاکستان، افغانستاننی شرعی تیزیمی و اساسی قانونیگه ایشانهدی و آسیا یورهگی ییغینیده، افغانستان تینچلیک سوزلشوولر لایحهسینی قبول ایتمهی و قوراللرینی ییرگه قویمهگن گروهلرگه قرشی کورهشیش خصوصیده سوزبیرگن. جناب غنینینگ کوپهیتیریشیچه، پاکستان حکومتیدن افغانستان خلقینینگ مال و جانیگه دشمن حقانی ترماغینینگ نابود ایتیش خصوصیده، جدی شکلده سعی و حرکت قیلیشینی سورهگن.
جمهور رییس، عصیانگرچیلیک و ترورچیلیک مسئلهسیگه اشاره قیلیب ایتیشیچه، افغانستان اوچ تورلی تروریست بیلن اوروشهدی: منطقهیی تروریستلر، افغانستان و پاکستان طالبلری و شونینگدیک، افغانستان خلقینینگ برابریده دوام ایتهیاتگن نامعلوم اوروش دیر. جناب غنینینگ ایتیشیچه، پاکستان، چین و امیریکه مملکتلری، آسیا یورهگی ییغینی چیککهسیدهگی اولتیریشلرده، تروریستی گروهلرنی نابود ایتیش و افغانستان بیلن منطقهده تینچلیک کیلتیریش خصوصیده، هیچ قندهی یاردم بیریشدن وازکیچ مسلیکلری خصوصیده افغانستانگه سوزبیرگنلر.
ملی بیرلیک حکومتی تشکیل ایتیلیشیده، افغانستان بیلن پاکستان اورتهسیدهگی علاقه بیر آز یخشی بولگن ایدی و اوندن سونگ ایریم دلیللر سبب یمانلشدی و حاضر کورینیشیچه، افغانستان جنوبی قوشنهسینی دولتگه قرشی قوراللی عصیانچیلرنی مذاکره میزی اوستیگه حاضرلشگه ترغیب ایتیش اوچون سعی و حرکت قیلهدی.
