امیریکه نینگ مدافعه وزیری جیمز ماتیس افغانستان کیلیب 2017 ییلنی افغان امنیتی کوچلری اوچون ایریک قیینچیلیکلر بیلن روپهره بولهدیگن ییل بولیشی ممکن دیدی.
جناب ماتیس اقش و ناتونینگ افغانستاندهگی حربی کوچلر باش قومندانی جان نیکلسون بیلن بیرگه لیک خبری انجمن آلیب، اقش نینگ یاردملیکلری دوامیگه تأکید قیلدی و مملکتینی افغانستان بیلن بیرگه اوروشلرده یاردم قیلیشیدن خبر بیردی.
امیریکه مدافعه وزیریگه کوره، او امنیتی وضعیتنی تیکشیریش اوچون کابل کیلگن و افغانستان حکومتی باشلیغلری بیلن بوبارهده صحبت قیلیب و شونینگدیک تیکشیروولر و مصلحتلرینی دوام بیریشی ممکن.
اقش نینگ مدافعه وزیری شوپیتده کابل کیلدی که بوندن اون کون مقدم امیریکه نینگ اتمسیز ایریک بمبی ننگرهارده داعش جنگریلری اوستیگه آتیلگن ایدی.
امیریکه و ناتونینگ افغانستاندهگی حربی کوچلر قومندانی جان نیکلسون اوشبو بمب استعمال بولیش بارهسیده ایتیشیچه، «داعش جنگریلریگه انیق پیام بیریلدی اگر افغانستاننی اوزلریگه تنلهگن صورتده نابود بولهدیلر.»
اوتگن هفته جمعه کونی طالبلرنینگ بلخ ولایتیده ایرلشگن شاهین 209 قول اردوسیده اویوشتیرگن هجوم نتیجهسیده 130 آتیق حربی کوچلر جان بیردی و 140 دن شه کیشی هم تن جراحتی آلدی.
اقش نینگ مدافعه وزیری مذکور اولتیریشده اوشبو هجومگه اشاره قیلیب، طالبلر تینچلیک لایحه سینی قبول قیلیب افغانستان سیاسی جریانیگه کیرماقچی بولگن صورتده خشونتلردن قول کوتاریب «ترورچی گروهلر» بیلن اوز علاقهلرینی توختهتسینلر دیدی.
