اوتگن کون «شنبه» افغانستان بویوک ملی ائتلافی گه اعضا کیشی‌لردن بیرقطاری، مملکت‌نینگ قطار ولایت‌لریده سیلاولر ایرکین کمیسیونی‌نی ولایتی دفترلری‌نینگ دروازه‌لرینی یاپیب و «ساخته‌کارلیک‌دن توله سیلاولر» یولگه قوییلیشی گه رخصت بیرمس‌لرینی اعلان قیلگن.
سیلاولر ایرکین کمیسیونی، افغانستان بویوک ملی ائتلاف اعضالری‌نینگ بو ایشی گه قرشی عکس‌العمل بیلدیریش اوچون بوگون «یکشنبه» کابل‌ده خبری بیر ییغین اوتکزیب اعلان قیلیشیچه، نماینده‌لر کینگشی‌نینگ سیلاوی یولگه قوییلمه‌سی توغریسیده بوله‌دیگن سعی و حرکت‌لرگه قره‌مه‌ی، 28- میزان مذکور کمیسیون اوچون قیزیل چیزیق دیر.
سیلاولر ایرکین کمیسیونینینگ باشلیغی گلاجان عبدالبدیع صیادنینگ ایتیشیچه، قطار گزارشلر اساسیگه، بویوک ملی ایتلاف مملکت قطار ولایت‌لریده سیلاولر ایرکین کمیسیونی ایشیگینی یاپیب قویش اوچون قرار قیلگن.
جناب صیاد گه کوره، حکومت سیلاولر لایحهسیدن کامل صورتده حمایت قیلمهیدی، حکومت اوشبو لایحهدن حمایت قیلگن حالده، زورهوانلر ایشیگه توسیق بولیب و بو نهاد دفترلرینی تیزلیککه آچیشی کیرهک.
عینحالده، ایچکی ایشلر وزیرلیگی قطار ولایتلرده سیلاولر ایرکین کمیسیونینینگ ولایتی دفترلرینی بویوک ملی ایتلافی تامانیدن یاپیق قوییلیشیگه قرشی کیلیب و بو حرکتنی قانونگه قرشی بیلگن.
ایچکی ایشلر وزیرلیگینینگ امنیتی اورین باسری جنرال اخترمحمد ابراهیمینینگ بیر ویدیویی پیام آرقهلی ولایتلرنینگ پولیس قومندانلریگه، ملی اوردو و ملی خوفسیزلیک کوچلرینینگ هماهنگلیگی بیلن سیلاولر ایرکین کمیسیونینینگ دفترلرینی آچیب و کیرهک بولگن صورتده زوردن ایش آلیش دستورینی بیرگن.
عینحالده، سیلاولر ایرکین کمیسیونی، سرپل، زابل، پنجشیر و فراه ولایت‌لریده آواز بیرووچیلرنینگ بیرینچی رویخطینی اعلان قیلگن.
سیلاولر ایرکین کمیسیونینینگ عملیاتی اورین باسری وسیمه بادغیسی نینگ ایتیشیچه، سیلاولر شکایتلریگه تینگلش کمیسیونی حاضردن (یکشنبه) باشلب اوچ کونگچه مذکور تورت ولایتده دستلبکی رویخطگه تیگیشلی آواز بیرووچیلرنینگ ناراضلیکلرینی تیکشیریب چیقهآلهدی.
سیلاولر ایرکین کمیسیونی افغانستانده ییرلشگن خلقارا کوچلریدن سیلاولر موادلرینی محلات و آواز بیریش مرکزلرگه انتقال بیریش خصوصیده اوشبو کمیسیونگه همکارلیک قیلیشینی سورهیدی.
